төрт тәуліктен бері саршұнақ аязда бүрсең қағып тоңып отыр. Пәтердегі батареялар 30 градус суықтың салдарынан жарылып, тұрғын үйлерді су басқан. Жергілікті атқамінерлер болса мәселені бүгін толығымен шешеміз деп сендірген еді. Бірақ, жазда жасалмаған жұмыстың жарты күнде аяқталарына қала халқы күмәнмен қарайды. Қазіргі уақытта жылу электр орталығында орын алған апатқа байланысты қылмыстық іс қозғалып, тергеп-тексеру жұмыстары басталды.
Антонина Ивженконың жасы 73-те. Кейуана қызы және екі немересімен бірге тұрады. Қаланың байырғы тұрғыны жылу болмаған 90 жылдарды күрсіне еске алады. Апаттың қайталанатын кім білген,- дейді. Зейнеткер көп қабатты үйдің ең жоғарғы тоғызыншы қабатында тұрады. Жылу болмаған соң жеделсаты да қатып, құбырлар мұздап тұр.
АНТОНИНА ИВЖЕНКО, Екібастұз қаласының тұрғыны:
– Жертөле суға толған. Барлық батарея, жылытқыштар істен шықты. Біз үйде төрт адам тұрамыз. Мұндайды соңғы рет 90-шы жылдары көргенмін.
Күн демей, түн демей сақылдаған сары аязда бүрсең қағып құбыр жамаған коммуналдық қызметтердің жұмысшылары жылу беру үшін барынша тырысып жатыр. Десе де бір жерді қалыпқа келтіріп жатса, екінші жерден шыққан ақау жағдайды күрделендірген.
ОРАЗАЛЫ ӨСЕРОВ, Жұмысшы:
– Осы қалада тұрғаннан кейін осы қаланың барлық ауыртпашылығын бірге көтерген дұрыс. Қалада кішкентай нәрестелер бар, үлкен қариялар бар. Олар да жылы жерде жатқанды жақсы көреді. Үйлері қатып жатса қиындау болады ғой. Үлкен кісілер аурушаң келеді.
Ал уақытша жылудан ажыратылған 149 көпқабатты және 114 жеке үй мен 15 әлеуметтік нысанға әлі жылу берілген жоқ. Қазір Екібастұздың жылу желілеріндегі барлық ақаулар анықталды.
СЕРІК ЖҰМАНҒАРИН, ҚР Премьер-Министрінің орынбасары - Сауда және интеграция министрі:
– Бұл бірінші осындай болып жатқан жағдай емес. Былтыр Петравлда болды. Жақында Шығыс Қазақстанда болды. Инфрақұрылымды жаңартудың уақыты келді. Президент де айтты. Қазіргі уақытта жаңа бағдарлама жасалуы керек. Кәсіпорын басшылығы өзінің қаражатын салуы керек. Тек тарифтерді ғана емес.
Сондай-ақ Серік Жұманғарин тұрғындардан мыңға жуық арыз-шағым түскенін айтты. Халықтың шығыны компания есебінен төленеді деді министр. Кеше анықталған екі бірдей ақау көлемі ауқымды болғандықтан, қалыпқа келтіру жұмыстары әлі де жалғасуда. Барлық күш сол жерге жұмылдырылған. Ол үшін 39 бригада жасақталды. Ал, оның ішінде 214 адам басқа қалалардан шақырылған.
Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал
