Mariupoli është arena më e ashpër e luftimeve në Ukrainë, që kanë hyrë në ditën e 28-të. Bombardimet e ashpra ruse kanë vazhduar edhe gjatë natës. Në rrjetet sociale publikohen pamje të pasojave të bombardimeve që tregojnë qartë intensitetin e tyre.
Këto pamje satelitore dëshmojnë se bombardimet në zonat e banuara. Pjesa më e madhe e qytetit është rrafshuar. Një numër i madh civilësh ndodhen ende nëpër vendstrehime. Presidenti Zelenski tha se ¼ e totalit të banorëve, rreth 100 mijë jetojnë në zonat ku po zhvillohen bombardime të ashpra, të privuar edhe nga kushtet minimale të jetesës, pa ujë, ushqim e shërbim shëndetësor.
Kievi akuzoi Moskën se nuk lejon hapjen e korridoreve për evakuimin e civilëve nga ky qytet, duke bllokuar disa autobusë. Në të gjithë vendin u hapën 9 korridore të reja për evakuimin e civilëve dhe furnizimin e banorëve me ushqime. Ushtria ruse publikoi pamje të përdorimit për të parën herë në luftën ukrainase, të raketave me rreze të gjatë veprimi që shkatërruan një depo armatimi. Megjithatë, ushtria ukrainase thotë se përparimi i trupave ruse është ndalur dhe nuk po arrijnë të marrin më furnizime. Ushtria ukrainase thotë se janë rreth 18 mijë ushtarë rusë të vrarë. Gjysma e kësaj shifre konfirmohet nga Pentagoni.
Kievi thotë se prej 24 Shkurtit janë vrarë 122 fëmijë mes rreth 1500 civilëve. Ndërsa Kombet e Bashkuara thonë se viktimat civile janë afro 1 mijë.
Tv Klan
#Rusi #Ukraine
SUBSCRIBE to “RTV KLAN” on YouTube for more videos!
Email: info@tvklan.al
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
