Data 4 Mars shënon përurimin e bazës taktike ajrore të NATO-s në Kuçovë. Në ceremoninë e rëndësishme foli edhe Shefi i Shtabit të Ushtrisë në vend Arben Kingji.
Ai theksoi se ky moment tregon rëndësinë strategjike të Shqipërisë në rajon dhe mbështetjen e aleancës euro-atlantike për sigurimin e paqes dhe mbrojtjes në Ballkanin Perëndimor.
“Inagurimi i bazës ajrore të Kuçovës është një ngjarje e shënuar për Forcat e Armatosura dhe vetë aleancën. Pas përfundimit me sukses të këtij projekti madhështor, riafirmon rëndësinë strategjike të vendit tonë dhe përkushtimin e aleancës në garantimin e paqes dhe sigurisë në Ballkanin Perëndimor e më gjerë.”
Sipas Kingjit, tashmë baza do jetë qendër për aktivitetet ajrore të cilat do zhvillohen në kushte mjaft moderne.
“Kjo bazë do të ofrojë strukturë të avancuar për mjetet ajore të aleancës, akomodim për trupat pjesëmarrëse dhe do shërbejë si qendër për aktivitetet e forcës tonë ajrore, dislokimin e forcave dhe mjeteve, zhvillimin e stërvitjeve, qoftë në kuadër kombëtar, dypalësh, rajonal apo në kuadër të aleancës. Në një epokë të karakterizuar nga sfida komplekse, nevoja për një infrastrukturë mbrojtëse të qëndrueshme dhe bashkohore është bërë më e domosdoshme se kurrë, kjo bazë do luajë një rol për kërcënimet që vijnë nga kufiri lindor e jugor i aleancës. Gjithashtu baza ajrore e vetmmja e BP do mundësojë të mbështesë, patrullimin e hpaësirës ajrore, mbështetjen logjistike.”
“Dëshiroj të theksoj ndikimin pozitiv në zhvillimin ekpnomik dhe social të komunitetit. Ndërtimi i tij do rrisë ndjeshëm kapacitetet tona detare, do sigurojë mbështetje për operacionet e NATO-s duke siguruar lëvizjen e forcave të NATO-s. Paralelisht me zhvillimin e infrastrukturës së mbrojtjes, forcat tona të mbrojtjes kanë pasur një proces të gjatë transformimi dhe modernizimi që përfshin implementimin e projekteve të modernizimit, që kanë në fokus rritjen e fuqisë së zjarrit, mbrojtjen kundërajrore dhe kibernetike. Operacionet e drejtuara nga NATO, BE kanë qenë prioritet për forcat tona. Ky angazhim domethënës do pasohet me një shtim të konsiderueshëm forcash në Rumani, Kosovë e Bosnje Hercegovinë. Dua të falënderoj partnerët tanë për besimin dhe në mënyrë të veçantë kryeministrin Rama dhe qeverinë shqiptare, për materializmin e këtij projekti, modernizmit dhe mbështetjes së FA. Jo vetëm bastion sigurie, por simbol uniteti për një të ardhme më të sigurtë për brezat që vijnë”, përfundoi Kingji.
SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web [ Ссылка ]
Follow Klan News on Facebook: [ Ссылка ]
Follow @klannews on Instagram: [ Ссылка ]
#KlanNews #KlanNewsLajme #TvKlan
