Ministri i Mbrojtjes i Serbisë, Millosh Vuçeviç tha se kundër Forcave të Armatosura të Serbisë po zhvillohet një fushatë e vazhdueshme në lidhje me numrat dhe aktivitetet e saj, më saktësisht, për lëvizjet dhe dislokimin e njësive brenda territorit të vendit. E kjo fushatë, sipas ministrit është e papërshtatshme, e papërgjegjshme dhe e pasaktë. Vuçevic tha ndërkohë se bashkëpunimi i Forcave të Armatosura të Serbisë me misionin e NATO-s në Kosovë, KFOR, është "i mirë dhe i vazhdueshëm" dhe në përputhje me Marrëveshjen e Kumanovës dhe Rezolutën 1244 të Kombeve të Bashkuara. "Ai bazohet në respektin e ndërsjellë dhe zhvillohet në mënyrë korrekte", tha ministri serb duke shtuar se nuk ka ndodhur kurrë që Serbia të ndërpresë komunikimin me KFOR-in. Vucevic ndërkohë theksoi se ushtria serbe nuk ka hyrë kurrë në Kosovë. "Nëse ushtria serbe merr një urdhër të tillë nga presidenti si komandant i përgjithshëm - që njësitë e saj të hyjnë në territorin e Kosovës si pjesë e Serbisë - ushtria do ta kryejë atë detyrë me efikasitet, profesionalizëm dhe sukses. Madje, edhe atëherë, njësitë dhe komandat e KFOR-it do të njoftoheshin paraprakisht", tha Vuçevic."Deri më sot nuk na është dashur të marrim një vendim të tillë dhe Serbia do të bëjë gjithçka që një zhvillim i tillë të mos ndodhë në të ardhmen, për të ruajtur paqen dhe për të kërkuar zgjidhje politike", shtoi ai. Sipas Vucevic, Serbia beson se është e rëndësishme që KFOR-i të ketë rol sa më domethënës në Kosovë, veçanërisht në zonat ku jetojnë serbët. Ai tha, po ashtu, se Serbia e mbështet vendosjen e njësive shtesë të KFOR-it në Kosovë.
pamje: AFP
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopNews#KFOR#Kosove
Ещё видео!