Мемлекеттік қызметке жаппай енгізілгелі жатқан жасанды интеллект бірқатар қызметкерді жұмыссыз қалдыратын түрі бар. Қысқарту мемлекеттік органдардың жанындағы Call-орталықтардан басталуы мүмкін. Цифрлық даму министрінің сөзінше, тұрғындардан түсетін қоңырауларды маманданған жасанды зейін қабылдап, артынша көмекші ретінде жауап беріп, жол нұсқай алады екен. Ал шенеуніктердің өздері келесі жылдан бастап жасанды интеллект бойынша арнайы курс оқитын болады. Бұл қатарда өңір әкімдері де бар. Енді аймақ басшылары әлеуметтік мәселелерді шешу үшін жаңа технологияға көмегіне жүгінбек. Қай жерде қандай проблема бар екені жайындағы өзекті ақпарат әрбір өңір жетекшісінің электронды поштасына жолданады. Оған қоса, Үкімет нейрондық желілер арқылы төтенше жағдайларды болжап, алдын алуға кіріспек. Премьер Бектенов: «Цифрлық қызметтің дені халық үшін күрделі. Сондықтан оларды барынша оңайлату керек»,- деп ойын түйіндеді. Бұл ретте ауыл тұрғындары да жасанды интеллектің игілігін бір кісідей көрсе жақсы болар еді. Себебі, әлеуметтік төлемдерді әлі күнге дейін пошта арқылы қолмен алатындарды ескерсек, бұл бағытта инновациялық шешімдерді қажет ететін елдімекендер бар.
Telegram - [ Ссылка ]
Instagram - [ Ссылка ]
Tik-Tok - [ Ссылка ]
