ياسميع الدعاء صل عبدك الى ما سعاء
فرج ماقد اتوجعاء ووصلنا جواب السؤال
ياكامل وياذا الكمال ويا جامع لكل الخصال
الباقي وغيره  مزال يا رحمان ياذو الجلال
يا خالق لكل البشر  ويا  منزل  علينا  المطر
ويا منعم علينا البحر ومحصي كل حبت رمال
الطفنا بعطفك وجود للاحياء وذيهم رقود
وارحمنا بيوم الحشود جمعك للنساء والرجال
ثم باقول في ماصدر من فكري وبالمختصر
في فرقاء الشهيد الاغر دمع العين للخد سال
اكرم يوم فارقتنا كن الخير ما مسنا
يا كل السلا والهناء ماعد شفتك الا خيال
يوم الحادثه للشهيد قد لانت صلاب الحديد
وامواج الشواطي تزيد وعزاك الجنوب والشمال
والام اسقطت طفلها والزرع اضطرب وانتها
كن الارض في المنتها من فرقا الاسد للشبال
واهتزت كبار الحيود والمزن اصبحت كالرعود
واتفجر جدار السدود ماعد طاقت الاحتمال
يا النهدين صنعاء اليمن وياعطان قلب الوطن
ومن نقم وصل لا كنن هز الراسيات الثقال
يوم جانا خبر بالوفاه ما باقي حلا في الحياه
جفت من عروقي الدماه غادر عن سمانا الهلال
وعزرائيل كيف طاوعه ينزل من سماء السابعه
يقبض روح هي طايعه في ذا العصر ماله مثال
وماحد بايرد القدر سوا للخير ولا لشر
واجر الوالد ان قدصبر وفي قلبه عيبقى طلال
هاذي التعزيه صغتها من الحديان كلاتها
فاجعه خبر جاتها ان الجمل خف الحمال
وهاذي التعزيه لاخوته واصحابه وغرامته
والوالد مع الوالده ومن حبه ومن لا يزال

свернуть