Келер жылдан Астана және орталық пен солтүстік өңір халқының құс етіне импорттық тәуелділігі азаяды.
Ақмола облысында осы өнімді әзірлеуге арналған алып фабрика салынып жатыр. Жобаның бірінші кезеңін іске қосуға қазақстандық банктердің бірі 16,1 млрд теңге бөліпті. Қарыз 10 жылға берілген.
Ақмола облысына қарасты Бұланды ауданы. Алып жоба міне осында бой түзеуде. Жоспар бойынша фабрика ең заманауи құрылғылармен жабдықталмақ. Соның өзінде мұнда бір мың адам жұмыспен қамтылады. Алдын ала жасалған есепке сәйкес кешеннің бірінші кезеңін іске қосу құны – 33,5 млрд теңге.
