Республикæйы сæргълæууæджы хæстæ рæстæгмæ æххæстгæнæг Сергей Меняйлойæн кусæг фембæлд уыд Дзæуджыхъæуы муниципалон сконды сæргълæууæг Икъаты Русланбегимæ. Ныхас кодтой муниципалитеты социалон-экономикон райрæзтыл. Лæмбынæгæй дзырдтой хъалонтæ фæфылдæр кæныны хъуыддагыл, стæй чысыл æмæ астæуккаг амалхъомадæн æххуысыл.
Сергей Меняйло куыд загъта, афтæмæй æххуыс кæнын фыццаджыдæр хъæуы, царды хæрзхъæддзинад чи хуыздæр кæны, уыцы къабæзтæн. Стæй ногдзинадыл чи архайы, уыдонæн дæр. Ома, фыццаг къахдзæфтæ чи кæны, уыдоны фарсмæ балæууын, уый канд амалхъомадæн пайда нæу, фæлæ ма горæтæн æмæ республикæйæн дæр. Икъаты Русланбег загъта, цæттæ кæй у йæ фæлтæрддзинадæй спайда кæнынмæ йæ куысты. Уæдæ Дзæуджыхъæуы минæвæртты æмбырды депутаттæн дæр бахæс кæндзæн ацы фарстайæн æмбæлгæ закъонадон бындур саразын.
_________________________
Мы рядом в:
vk.com/irystontv
instagram.com/irystontv
youtube.com/irystontv
twitter.com/irystontv
ok.ru/irystontv
