Lajme Arkiva - TV Klan 2003
Vetëm pas 5 orë diskutimesh, pushimesh, shtyrjesh, debatesh mes deputetëve të opozitës dhe pozitës, byroja parlamentare e mbledhur në fund të seancës ka mundur të vendosë, miratimin e kalendarit dyjavor të punimeve me ndryshimin, që projektvendimi për komisionin për Ramën të kalojë të hënën e ardhshme. Ndërkohë edhe tabela e njoftimeve të parlamentit, ka mbetur peng i komisionit Rama, ku gjatë gjithë seancës parlamentare nuk është shënuar asgjë në të.
Në seancë janë shënuar megjithatë, replikat e ashpra mes kryeministrit Fatos Nano dhe shefit të opozitës Berisha. Ndërsa Berisha i ka bërë thirrje Nanos të pranojë komisionin dhe të mos çojë vendin drejt krizave, kryeministri e ka parë të pashpresë qëndrimin e opozitës, madje është shprehur i sigurt, se këtë herë nuk do të ketë as aleanca fluide, duke aluduar haptazi për ish-kryeministrin Meta.
Kryeministri Fatos Nano:- “Ju kujtoni, se duke bllokuar Kuvendin, mund të provokoni ndonjë krizë që çon në zgjedhje të parakohshme. I dashur shoku Sali, koha e aleancave të tua fluide ka marrë fund”.
Sali Berisha:- “Pranoni komision hetimor, lëri mesazhet e Edvinit, mos i cito mesazhet e Edvinit këtu në Parlament. Ridimensiono qëndrimin ndaj lirisë së shtypit, për aleanca. E vërteta është që nuk ka nevojë për to, pasi anëtarët e kësaj qeverie i hakërrejnë sytë njëri-tjetrit, gjithë ditën denoncojnë njëri-tjetrin tek ne. Unë s’kam nevojë për aleancë tjetër”.
Berisha ka replikuar dhe me deputetin e PS Bardhyl Agasi, pas diskutimit të tij ku ka përmendur se media duhet të jetë prezent, vetëm gjatë seancave me replika. Edhe këtë rast Berisha e ka cilësuar si revansh të politikanëve të PS ndaj shtypit të lirë.
Sali Berisha:- “Që në momentin kur del për të censuruar mediat, ti je një terr në Parlament, ti je një terr informativ në Parlament, ç’është kjo kulturë anti-demokratike që shpërthen këtu, ç’është kjo alergji ndaj mediave që keni ju? Rregullorja e parlamentit kërkon që seancat të jenë të hapura. Nga i ke futur këta talibanë në Parlament, ç’janë këta more?”/tvklan.al
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
