Астанада «Көшпенділер әлемі» атты халықаралық фестиваль бар сән-салтанатымен өтті. «Этноауыл» ұлттық-мәдени кешенінде келушілер көшпенділер руханиятының куәсі болды. Фестивальға 7 мемлекет: Венгрия, Болгария, Түркия, Украина, Ресейдің Башқұртстан мен Якутиясынан, Қырғызстан және Қазақстаннан өнерпаздар қатысты. Шара шерумен ашылды. Әр ел әскери өнерінен қойылым көрсетті. 7 ауылға бөлінген ақшаңқан киізүйлерде ежелгі халықтың тұрмыс-тіршілігі, қолөнері, ас әзірлеу әдісі паш етілді. Ұлттық ойындар ойнатылып, этноәуендер әуеледі.
