ليه هند رستم مش جميلة ∣ مقاييس الجمال ازاي اتغيرت من زمان لحد النهارده ؟
عمرو الشريف قال علي مارلين مونرو الشرق
هند رستم انها مش جميله
ازاي شافها مش جميله اومال ايه هو الجمال بالنسباله
تفتكرو مقاييس الجمال بتختلف ؟!
اوروبا في القرن ال 18 ظهرت موضه الشعر الرصاصي
اللي هو لا ابيض ولا اسود
فبقو الستات يلبسو بواريك رصاصي عشان دا كان علامه من علامات الجمال (نحط الصوره 1 )
ولون البشره الابيض كان دايما حلم للبنات اصحاب البشره الخمريه
لكن دلوقتي تلاقي محلات الميك اب مليانه منتجات تدي اللون البرونزي
وتلاقي واحده فاضلها 2 فولت وتنور ناقعه نفسها في الشمس عشان تبقي برونزاج
في تايلاند وخصوصا في قبليه الكايان من علامات الجمال الرقبه الطويله…الطويله جدااا
طموحهم ينافسو ناطحات السحاب فوق
لدرجه انهم بيحطو للبنات علي رقبتهم لفه نحاس من وهم عندهم 5 سنين (نحط الصوره 2&3 )
عشان رقبتهم تطول
وبيشيلوها كل 10 سنين
وموضه الرموش الطويله عملت للناس هوس
لدرجه ان في باريس الستات حاولو يخيطو شعرهم العادي في رموشهم
بالابره والخيط كدا عادي
اهم حاجه بس تتأكدي ان الخياطه مش باينه احسن نتكشف
لحد ما اكتشفو الرموش الصناعيه سنه 1902
وطول ما انت قاعد تلاقي اعلانات تركيب رموش شعره بشعره
مقاييس_الجمال# #الجمال #جمال_المرأة #مقاييس_جمال_المرأه #مقاييس_الجمال_عبر_الزمن #اخر_مترو #آخر_مترو

свернуть