«Жаркент өңірі: тарихы, жеке тұлғалары, өзекті мәселелері». Міне, дәл осындай атаумен Жетісу өлкесінің 18-20 ғасыр аралығындағы тарихына арналған республикалық ғылыми-тәжірибелік конференция өтті. Басты мақсат отан үшін жан беріп, саяси қуғынға ұшыраған ардақты бабалар рухын ардақтау, өнегелі өлкенің тарихын қайта жаңғырту болып отыр. Игі шараға өңір тарихын зерттеп, тың бастамаларды көтеріп жүрген белгілі жазушы, тарихшы-ғалымдар арнайы шақыртылыпты. Ал республикалық конференция тікелей Алматы облысы әкімдігінің мұрындық болуымен ұйымдастырылған.
Жаркент қазақ даласындағы тарихы терең, тамырлы өлкелер қатарына жатады. Бұл деректі көптеген ғалымдардың еңбектері де дәлелді етіп отыр. Сондықтан, Алматы облысы әкімдігі де өңір тарихын зерттеуге үлес қосып жүрген жазушы, тарихшы-ғалымдардың басын қосып, ғылыми конференция өткізді. Себебі мыңжылдықтардың куәсі болған көне шаһардың бергі тарихында да маңызды оқиғалар жетерлік. Мәселен, Бексұлтан Нұржекеұлы баяндамасы үшін «Ел тарихы - жер тарихы» тақырыбын таңдапты. Жазушы пікірінше, әрбір өңір, елдімекен атауы жас ұрпақтың жадында сақталуға тиіс.
БЕКСҰЛТАН НҰРЖЕКЕҰЛЫ, жазушы:
– Жетісуды Моғолстан дейді. Соны тірілтіп кеткен. Бүгінгі тарихта осы мәселелердің бәрі айтылып жатыр. Ұрпақ осыны білсе, ата-бабасының мықты болғанын білсе ол намысын бермейтін ұрпақ боп өседі. Сондықтан бүгінгі конференцияның осындай үлкен мәні бар.
Әкімдік өкілдері алдағы уақытта конференцияның ауқымы арта түседі деп отыр. Айтуларынша, жыл соңына дейін Алатау, Жетісу өңірлеріне қатысты мұрағат құжаттары жинақталып, кітап болып басылады.
ЕРАСЫЛ ТОЛЫМБЕКҰЛЫ, Алматы облыстық қоғамдық даму орталығының басшысы:
– Мына «Атаманның ақыры» деген барлықтарымызға белгілі бір фильм бар ғой. Сол фильмнің негізінде сол кейіпкерлерімен құралған қазір мына кітаптың тұсаукесері болады. Жоба аясында жыл соңында екі құжаттар жинағы басылып шығарылады. 500 данамен. Үлкен.
Конференция қатысушылары Жаркент уез болған шақтағы маңызды құжаттармен танысып отыр. Мәселен, патша үкіметі кезеңіндегі ең ескі түрме осы Жаркент қаласында орналасқан. Яғни, жазасын өтегендердің тізімі, үкім бәрі-бәрі көпшілік назарына ұсынылды. Бұдан бөлек өнегелі өлкеде ілкі күндердің ескерткішіндей мешіт пен шіркеу де бар.
Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал
