Lajme Arkiva - TV Klan 2003
Inva Mula nga Butrinti dhuron emocione të forta të gjithë spektatorëve dhe teleshikuesve. Interpretimi live i sopranos së madhe shqiptare është duartrokitur gjatë në amfiteatrin antik të Butrintit natën e kaluar. Në koncertin e saj të dytë live në Sarandë, Mula ka kënduar disa nga ariet më të bukura të repertorit të saj. Me shumë emocion Inva ka interpretuar dhe arien e kompozuar nga babai i saj Avni Mula, “Agime Shqiptare”.
Një nga surprizat e Inva live në Butrint 2, ishte dhe tenori i njohur grek, i ftuar special Mario Frangulis, i cili përveç pjesëve të kompozitorit të shquar Teodorakis, ka sjellë përpara spektatorëve dhe telespektarëve të Televizionit Kombëtar Klan, që ka transmetuar drejtpërsëdrejti nga qyteti antik koncertin e vitit Lule borën shkodrane në shqip.
I gjithë koncerti është shoqëruar nga orkestra filarmonike e TOB, i drejtuar nga dirigjenti francez Zhiron Pilmo. Pas suksesit të natës së kaluar, Inva dhe producentët e koncertit të saj, Grabocka dhe Gjebrea, duket se do kthehen sërish vitin tjetër në amfiteatrin e Sarandës, për të realizuar “Inva Mula live Butrint 3”./tvklan.al
Gazetare – Elja Zotka
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
