MILOT– Një aksident i rëndë ka ndodhur mbrëmjen e djeshme në Laç, aty ku për pasojë kanë humbur jetën tre persona. Shkak i aksidentit është bërë humbja e kontrollit të mjetit duke çarë bordurën dhe më pas ka rënë në një kanal me ujë në aksin Milot-Mamurras të autostradës Fushë Milot- Thumanë.
Mjeti i cili po udhëtonte drejtim të Fushë Krujes përfundoi në kanal, duke qëndruar aty për disa orë me radhë. Saber Dunga 45 vjeç, banues në Durrës, Urim Pepa,39 vjeç, banues në Tiranë si dhe Nikoll Gjoni janë tre personat që humbën jetën.
