پەنابەرانی سوری لە وڵاتی ئەڵمانیا لەگەڵ ئەشکەنجەکەرانیان رووبەڕوو دەبنەوە کە لە سووریا هەڵاتوون، ئەم جەللادانە هەوڵدەدەن خۆیان لە سزا بدزنەوە و لە ئەوروپا خۆیان حەشار بدەن و شێوەیان بگۆڕن . ئەو پەنابەرانەی کە قوربانی بوون، کار دەکەن بۆ کۆکردنەوەی بەڵگە لەگەڵ چەندین چالاکوان بۆ ئەوەی ئەو جەللادانە بە تۆمەتی تاوانی جەنگ، بهێننە دادگەکانی ئەڵمانیا.


مریەم حەلاق سێ ساڵ هەوڵیدا بۆ دۆزینەوەی کوڕەکەی بە ناوی ئەیهەم غەزالە کە لەلایەن هەواڵگریی سورییەوە لە دیمەشق دەستبەسەرکرابوو ، دوای گەڕانێکی زۆر لەنێوان لقەکانی ئاسایش تەنیا ژمارەیەک بۆ تەرمەکەی و چەند پەڕەیەکی دەستکەوت.


خاتوو مریەم پەڕەکانی هەڵگرت و رێی دەریای بەرەو ئەڵمانیا بڕی بۆ ئەوەی بەڵگەنامەکان رادەستی دەسەڵاتی دادوەری ئەڵمانیا بکات، داوای دادپەروەری بۆ هەموو گیراوان کرد.


ئەنوەر ئەلبونی پارێزەری سووری بۆ ماوەی چەند ساڵ کاری پارێزەریی کردووە بۆ بەرگریکردن لە گیراوانی سیاسی لە سووریا ، تا ئەو کاتەی رژێمی سووریا دەستگیریکرد بە تۆمەتی بەرگریکردن لە دەستگیرکراوان . دوای ئازادکردنی لە زیندان، پارێزەر ئەلبونی لە رێگای دەریاوە خۆی گەیاندە ئەوروپا، لە دوای گەیشتنی، لە فەیسبووک پۆستێکی بڵاوکردەوە و داوای لە دەستگیرکراوانی پێشوو کرد کە پەیوەندی پێوەبکەن، بۆ ئەوەی نامەکانیان و بەڵگەکانیان کۆبکەنەوە بۆ جوڵاندنی دەسەڵاتی دادوەری ئەڵمانیا دژی تاوانبارانی جەنگ.


لەماوەی ساڵێک گەڕانی چڕدا تیمێکی رۆژنامەنووسان توانییان بەدوای تاوانبارانی جەنگدا بگەڕێن، کە لە چاوی دەسەڵاتدارانی ئەڵمانیا خۆیان حەشارداوە ، توانییان بچنە ناو ماڵی محەمەد ق و لەسەر تاوانەکانی قسەی لەگەڵ بکەن کە لە شاری حەلەب ئەنجام دراون.


بەرهەمی ساڵی 2021

свернуть