Бүгін Алматыда Руслан Күлекбаевтың ісі бойынша сот отырысы басталды. Қауіпсіздік мақсатында алдын ала тыңдау тергеу изоляторының ғимаратында өтті.

Естеріңізге салайық, күдікті 18 шілде күні қалада ойран салып, бірнеше адамды опат қылған еді. Оққа ұшқандардың туған-туыстары қандықолды өлім жазасына кесуді талап етіп отыр.

Тергеу тобы Күлекбаевтың қылмыстық ісіне қатысты 50-ден астам сот сараптамасын жасап, оқиғаның анық-қанығына жету үшін 200-ден аса куәгерден жауап алған. Жиналған материалдардың көлемі 60 томға жеткен. Күдіктіге Қылмыстық кодекстің бірнеше бабы бойынша айып тағылып отыр.

свернуть