من كام يوم طلع رئيس وزراء بولندا وصرّح ان بولندا مش هتدعم أوكرانيا بالسلاح أكتر من كده، وبعدها طلع تصريح لزيلينسكي رئيس أوكرانيا في مجلس الأمن بيقول أن أوكرانيا محتاجة دعم أكبر، وأن الدول لازم تزوّد العقوبات على روسيا أكتر، وأعترض على وجود روسيا كعضو دائم في مجلس الأمن، وطبعاً تصريح زيلينسكي مش هيعدي على الشعب العربي كده وخلاص، التصريح جيه عليه انتقادات كتير في الدول العربيّة، والناس بتسأل كانت فين الحنيّة دي لمّا أمريكا احتلّت العراق، وناس تانية قالت ليه مسمعناش تصريحات زي دي لمّا روسيا كانت تدافع عن النظام السوري وتعترض على قرارات مجلس الأمن؟
بس في ناس ردّت على التعليقات دي وقالت ان الاعلام الأوروبي كان واضح من لمّا بدأت الحرب، وقال ان دول مواطنين أوروبيين بيض وشقر، وان اوكرانيا بلد أوروبي مش بلد في الشرق الأوسط، وأنتو ايه رأيكم

свернуть