#oranews #lajme #edicioniinformativ #politike #shqiperia #rajoni #lajmetefundit #lajmengavendi
Aleancën e zyrtarizuar në Tiranë, Sali Berisha dhe Ilir Meta po e shpërfaqin dhe në rrethe.
Ata u shfaqën sëbashku në ceremoninë e 32-vjetorit të PD-së së Elbasanit, duke shprehur dhe mbeshtjen për kandidatin demokrat për bashkinë Luçiano Boçi.
Meta akuzoi “Rilindjen” se ka vendosur një model të shtetit të pastrimit të parave dhe të trafikut të drogës. Sipas ish-Presidentit, qeveria ka 60-fishuar importin nga Kolumbia.
Meta: Është fatkeqësi e madhe që Elbasani, kjo bashki dhe ky qytet, ky qark, me potenciale të jashtëzakonshme në zemër të Shqipërisë, vetëm 20 minuta larg Tiranës, të jetë qarku i dytë më i varfri i Shqipërisë. Është e papranueshme, është kriminale. Potencialet e Elbasanit janë që të jetë një nga 3-
Ka qarkulluar një lajm i jashtëzakonshëm. Në 7 vjet, e ka 60 fishuar importin nga Kolumbia. Çfarë është kjo? Kjo është pasqyra më e qartë se cili është modeli i shtetit të Rilindjes. Kriminalizimi i saj dhe i të rinjve dhe të rejave, modeli ekonomik, ai i pastrimit të parave dhe braktisjes së bujqësisë.
Shihni si ka falimentuar prodhimi i bvirrës. Shikoni çfarë insistimi ka për amnistinë fiskale. Për të instaluar një regjim mafioz. Jemi në kryeqendrën e arsimit, në Elbasan. E dini mirë se çdo vit mbyllen degë të reja në universitetin e Elbasanit. 4200 euro paguhet një mësues nga Buna e këtej. 9900 euro paguhet një mësues nga Buna e në anën tjetër. Pse? Sepse organizata kriminale e mbetjeve, që e bën km e rrugës 5 herë më të shtrenjtë se në Europë, në vend që të rriste rrogat për arsimtarët, fryjnë kostot fiktive.
Ish-kryeministri Sali Berisha akuzoi kreun e qeverisë se u ka vjedhur qytetarëve shqiptarë 520 milionë euro përmes bordeve të çmimeve të karburanteve dhe produkteve ushqimore.
Berisha: Ky njeri, ky individ me klanin e tij vetëm vjedh. Me Pakon e Madhe, tallet me njerëzit. Në vend që sot të kishin një pension të paktën tre herë më të lartë, ai u premton dhe do t’i mbushë mendjen me pakon e madhe. Asnjë s’ka qenë më vulgar dhe i pashpirt se ky. Me vjedhjen e rradhës, vetëm nga xhepat e qytetarëve, me bordet e tij, mori mbi gjysmë miliardi euro, 520 milionë euro. 80 milionë tha se do ua kthejë, edhe ato,.
Berisha paralajmëroi edhe njëherë Ramën për çështjen e vulës së Partisë Demokratike.
Berisha: Duhet ta bëjmë natën ditë për të mbështetur kandidatët tanë. Për të mbështetur Luçiano Boçin. Një njeri i cili faktoi besimin te ju. Është nënkryetar partie. Është kryetar i grupit parlamentar. I ka të gjitha. Do t’i lë tha dhe do shkoj të dorëzohem te besimi i qytetarëve të mi dhe unë e përgëzoj. Ne sot vijmë më të përgatitur se kurrë.
Në Tiranë, në Durrës, në Korçë, në Shkodër. Kandidatët tanë janë kandidatët e lirisë. Nuk ka pasaportë më të shkëlqyer se kjo. Ne po transformojmë nëpërmjet lirisë jetën politike të këtij vendi. Ndaj dhe në këtë mision, duhet të bëjmë gjithçka për suksesin e tij. Jemi para një përpjekje anti-demokratike, anti-kushtetuese të Edi Ramës për të përjashtuar nga zgjedhjet Partinë Demokratike. Unë në emër tuaj dhe demokratëve shqiptarë dua t’i them sot nga Elbasani: Mos gabo se po loz me fatin rëndë.
Ne kemi bërë gjithçka që forcat politike të votojnë të lira. Nuk kemi menduar kurrë të blejmë kryetar opozite. I them këtu se në mënyrë absolute do të kesh fatin që meriton nëse guxon t’i prekësh. Gjykata ia ka njohur PD-së. Ndalon regjistrimin e tyre se ke frikë nga PD. Atëherë bëhu gati të përballesh. Ne do fitojmë qytetet e mëdha dhe qytetet e tjera të Shqipërisë.
Ndërsa kandidati për kryetar bashkie në Elbasan Luçiano Boçi i bëri apel demokratëve të lënë mënjëanë mëritë dhe interesat personale për t’i dhënë dritë bashkëpunimit mes tyre.
Boçi: Themeluesit e Partisë Demokratike ndryshuan historinë duke sjellë shembullin e kurajos dhe angazhimit për të ngjallur vlerat e denja të ekzistencës njerëzore. PD projektoi një të ardhme të vërtetë ku secili prej nesh ka dashur të ketë vendin e vet. Jemi misionarë sepse e duam votën e lirë. E dashurojmë demokracinë, e adhurojmë Shqipërinë dhe atdheun.
Personalisht jam një prej anëtarëve të PD dhe si misionar i kam hyrë detit në këmbë për të kthyer Elbasanin në shkëlqimin e tij. Kandidimi im nuk është thjesht sfida ime politike. Nuk është vetëm lufta ime personale. Është beteja e çdo qytetari sot. E çdo anëtari të opozitës dhe Partisë së Lirisë. Për të çuar deri në fund qëllimin për të cilin u krijua Partia Demokratike. Të lëmë mënëanë mëritë dhe interesat e ngushta për t’i dhënë dritë bashkëpunimit për një PD të suksesit dhe fitoreve. Për një PD të bashkuar.
Për më shumë lexoni në: [ Ссылка ]
Follow Televizionin Ora News
Website: www.oranews.tv
Youtube [ Ссылка ]
Facebook: [ Ссылка ]
Instagram [ Ссылка ]
Twitter [ Ссылка ]
Ещё видео!