#oranews #gentjanbejtja #atentat #larushk #fushekruje #kruje

Gentjan Bejtjas ia kishin bërë të qartë se për të ishte lidhur një kontratë vdekje!

Ish policit që kishte kaluar në krahun tjetër të ligjit i kishin bërë edhe tre atentate para këtij që i mori jetën në oborrin e banesës së prindërve në Larushk të Fushë Krujës.

I parafundit u shënua sërish në këtë oborr 4 korrikut të vitit 2023. Nga sulmi me breshëri plumbash mbeti viktimë Ramazan Sino, 29 vjeç dhe u plagosën djemtë e Bejtjas 10 dhe 13-vjeçarë. Asokohe Bejtja kishte vetëm 10 ditë që ishte kthyer në Shqipëri. Bashkë me gruan e 4 fëmijët, ishte kthyer nga një vend nordik ku kishte kërkuar edhe azil por i ishte refuzuar.

Për këtë ngjarje Policia shoqëri Valter Bamin pasi iu gjetën gjurmë baruti në duar por në janar të këtij viti gjykata e Tiranës e nxori nga qelia.

Gentjan Bejtja i ka shpëtuar edhe një atentati më 9 janar 2022 në afërsi të Niklës në Fushë-Krujë. Si pasojë e të shtënave mbeti i plagosur Klodian Stafuka, i cili ndodhej në makinë. Ish policit të burgjeve i kanë bërë atentat edhe në vitin 2016, po në Nikel të Krujës.

Bejtja ishte me precedentë penela për veprave penale kundër personit dhe pronës, si dhe i arrestuar me arsenal armësh në banesë.

Ai është hetua edhe për vrasjen e kryekomisarit Dritan Lamaj, pasi u dyshua bashkë me Enver Stafukën, si një nga autorët e vjedhjes së makinës nga e cila u vra Lamaj, në shkurt 2013.

Gentian Bejtja është dyshuar e shoqëruar ndër vite për tri atentate. Atë të vrasjes së Ilias Çalit në autostradën Tiranë-Durrës, në prill të 2022-it dhe atentatit ndaj Marklen Hakës në qershor po të vitit të shkuar, por nuk u gjetën prova për ta fajësuar si autor të dyshuar

Ish polici është dyshuar për lidhje edhe me atentatin me tri viktima në mbikalimin e Fushë-Krujës më 17 korrik të vitit 2022, ku mbetën të vrarë, Brilant Martinaj e dy miqtë e tij, Diklen Vata dhe Besmir Hoxha.

Për më shumë lexoni në: [ Ссылка ]

Follow Televizionin Ora News

Website: www.oranews.tv

Youtube [ Ссылка ]

Facebook: [ Ссылка ]

Instagram [ Ссылка ]

Twitter [ Ссылка ]

свернуть