АҚШ долларының бағамы 500 теңгеден асып кетті. Бұл Ұлттық қордан балаларға бөлінетін қаражат көлеміне әсер ете ме? Сенаттың пленарлық отырысында жоғарғы палата депутаттары Қаржы министрі – Мәди Такиевқа осындай сауал жолдады.
Министрдің сөзінше, қордағы ақша онсызда доллармен сақталады және балалардың шоттарына жіберіледі. Сондықтан, алаңдауға негіз жоқ. Сондай-ақ, 2025 жылы 6,9 миллион балаға 889 млн долларға жуық ақша бөлінеді. Бұл бала басына шаққанда 120 доллардан келеді. Еске саламыз, былтыр әр баланың шотына 100 доллардан аударылған еді.
МӘДИ ТАКИЕВ – ҚР ҚАРЖЫ МИНИСТРІ
100 доллар ол доллармен есептеледі, екіншіден осы сома қосымша инвестицияланады. Сондықтан ол өсіп отыр. Енді инвестициялық кірісті біз биыл 2,6 пайызбен санадық. Келесі жылы инвестициялық өсім 3 пайызға жетеді. Сондықтан біз балаларға 118-120 доллар көлемінде болатын шығар деп болжап отырмыз.
Сайт - [ Ссылка ]
Facebook - [ Ссылка ]
Instagram - [ Ссылка ]
Telegram - [ Ссылка ]
Tiktok -[ Ссылка ]
