انتاج 1939 - الملحن: محمد عبد الوهاب - المؤلف : امين عزت الهجين - مقام: كرد
كلمات الاغنية
إيه انكتب لى يا روحى معاكى ** يا اللى شــغلتى البال وياكى

لما سلمتى عليا ** و خدتى إيدك فى إيدي

الفرح بان فى عينيا ** و القلب سلم عليكى

لما اتقابلنا و كان لقانا ** بيــن الخمايل و الأغصان

كتبنا أول كلمة فى هوانا ** واطمــن البال الحيران

آدى الزهور من حواليا ** شايف جمالها بعيـنيا

و آدى الحبيب راضى عليا ** و القلب متهنى وفرحان

لما سلمتى عليا ** و خدتى إيدك فى إيديا

الفرح بان فى عينيا ** و القلب سلم عليكى

قعدنا نحكى عن العشاق ** اللى انضووا بنار الأشواق

و لما طال الكلام بينك و بينى ** عن الهوى والغرام يا نورعينى

لاقيت هواكى ملك فؤادى ** و بان فى عينى دليل ودادى

لما سلمتى عليا ** و خدتى إيدك فى إيديا

الفرح بان فى عينيا ** و القلب سلم عليكى

свернуть