“Për motive të paqarta që mbesin ende brenda mureve të shtëpisë së familjes Sinani, djali i kësaj familje, Roland Sinani, ekzekutoi me armë zjarri nusen e të vëllait të tij, Migena Sinanin dhe më pas vrau veten në oborrin e banesës.”
Ngjarja e rëndë u regjistrua në orën 4 të mengjesit të kësaj të shtune, ku fillmisht 43-vjeçari ka goditur me armë zjarri pistoletë brenda dhomës së saj të gjumit, kunatën 37-vjeç, e cila pranë kishte edhe vajzën e mitur.
Disa minuta më vonë, pas disa lëvizjeve të bëra në oborr ai ka qëlluar veten, duke humbur jetën menjëherë. Në banesë ishin edhe dy prindërit e autorit, Roland Sinanit, ndërsa vëllai i tij, njëherësh bashkëshorti i Migenës, punonte taksi turn i tretë.
Nëna e Roland Sinanit i tha hetuesve se ajo e kishte parë djalin e saj që ishte zgjuar dhe ishte shqetësuar duke i kërkuar që të flinte, ndërsa më pas ka rrëfyer se ka dëgjuar të shtënat.
Nga këqyrja e vendit të ngjarjes, hetuesit zbuluan se arma e përdorur nga Roland Sinani, ishte disa metra larg trupit të tij, duke ngritur fillimisht dyshime. Por nga dëshmitë dhe veprimet hetimore rezultoi se atë e kishte zhvendosur i ati i tij, i cili rezulton të ketë probleme me kujtesën.
Dëshmitar i rrethanave të krimit është bërë edhe një djalë, kamerier në një lokal pranë banesës.
“Unë isha duke shkuar për tek lokali. Do ta hapja pak herët pasi do e pastroja. Kur e pashë atë në rrugë më ngriti dorën dhe kuptova që në tjetrën kishte diçka edhe u largova me shpejtësi. Disa minuta më pas kam dëgjuar të shtëna.”
Jashtë kamerave të afërmit e familjes Sinani thonë se ata nuk kanë pasur konflikte, ndërsa për policinë, vëllai i Roland Sinanit ka thënë gjithashtu se nuk kanë pasur konflikte, por se ai kohët e fundit kishte sjellje agresive dhe kërcënuese, që nuk ishin marrë seriozisht prej tyre.
Deri në këtë pikë të hetimeve, dyshohet se shkak për ngjarjen mund të jetë bërë shëndeti mendor i 43-vjeçarit i cili prej kohësh mjekohej, por hetuesit thonë se nuk përjashtojnë edhe motive të tjera.
SUBSCRIBE to “RTV KLAN” on YouTube for more videos!
Email: info@tvklan.al
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
