АҚШ-та тағы атыс болды.
Жексенбі күні Техас штатының Сазерленд-Спрингс қаласындағы шіркеулердің бірінде ер адам тұрғындарға оқ жаудырды. Соңғы ақпаратқа сәйкес, атыстан 26 адам қаза тапты. Тағы 20-ға жуығы жараланды. Қандықолдың аты-жөні – Девин Келли. Ол 26 жаста. Бұл әрекетке неліктен барғаны әзірге белгісіз. Бұрын АҚШ Әскери-әуе күштерінде қызмет еткен екен. Атыс болған жерде қазір Федералдық тергеу бюросы жұмыс істеп жатыр. Елдегі мемлекеттік тулар 4 күнге төмен түсірілді.
