Pak orë pasi KQZ shpalli publikisht se njihte Lulzim Bashën si kryetar të PD, lideri i partisë së Lirisë, Ilir Meta doli në një konferencë për shtyp. Ai deklaroi se PL do të hyjë në zgjedhje me listën e saj për këshillat bashkiakë duke e shoqëruar këtë fakt edhe me leximin e disa prej emrave.
Kjo do të thotë se koalicioni i përfolur mes tij dhe Berishës si në zgjedhjet e pjesshme të 6 Marsit nën siglën e Shtëpisë së Lirisë nuk do të realizohet.
Kodi i ndryshuar zgjedhor urdhëron që çdo forcë apo koalicion politik duhet të ketë vetëm një listë emërore për këshillat bashkiakë.
Burime pranë PD së Berishës bëjnë me dije për Klan News se është duke u finalizuar koalicioni më i ri mes tyre dhe fillimisht partive të Vangjel Dules e Agron Dukës.
Kandidatët e Primareve do të jenë në garë për 61 kryetarë bashkish. Eshtë duke u negociuar për përfshirjen mes tyre edhe të ndonjë kandidati të kërkuar nga PBDNJ e PAA. Ndërsa për listat e këshilltarëve bashkiakë duket se kompromisi do të jetë shumë më i thjeshtë.
Berisha është duke testuar në publik edhe emrin e koalicionit të ri. Pasditen e së Mërkurës, në Mallakastër, aty ku prezantoi kandidatin për kryetar bashkie, pas shpinës së tij lexohej togfjalëshi “Shqipërisë i dalim Zot”.
SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web [ Ссылка ]
Follow Klan News on Facebook: [ Ссылка ]
Follow @klannews on Instagram: [ Ссылка ]
#KlanNews #KlanNewsLajme #TvKlan
