Ақтөбеде террорлық акт қылмыстық ісі бойынша басталған соттың бүгін бесінші күні. Сот отырысы әлі жабық режимде өтуде. Соңғы ақпараттар бойынша 5 айыпталушыдан сотқа тумаларын кіргізу жөнінде өтініш түскен. Қазір солардың тек екеуінің ғана өтініштері қабылданып, Мұқанов пен Иманғалиевтің тумалары сотқа қорғаушысы ретінде қатысып жатыр. Ал, қалғандарының ұсыныстары өтініште көрсетілген тұлғалардың жақын ағайыны болмағандықтан қабылданбаған.
