Lajme Arkiva 2001
E sapo kthyer nga një tur i gjatë në SHBA, Ministrja e Jashtme, Arta Dade nuk i ka shpëtuar debateve dhe replikave që kanë përfshirë Partinë Socialiste.
Znj.Dade, pasi u ka folur gazetarëve për takimet në Kombet e Bashkuara dhe në Departamentin e Shtetit, nuk ka lënë pa përgjigje edhe interesimin e tyre për komplimentet, jo pa ironi, të kryetarit të Partisë Socialiste, Fatos Nano, në adresë të saj.
"Kur erdha në fushatë, thashë se këtu bashkohen 3 të bukurat e dheut, Divjaka, Partia Socialiste dhe Arta Dade, por sot na mungon një nga të bukurat e dheut", tha të dielën në Divjakë Z.Nano.
Sot, Ministrja e Jashtme i është përgjigjur kryetarit të partisë.
"Tani çdo njeri është i lirë të bëjë komente sipas këndvështrimit të tij, kështu që kjo nuk ka të bëjë me punën time si Ministre e Punëve të Jashtme. Ka të bëjë me diçka që ju mendoni edhe kryetari mendon që ma ka dhënë natyra dhe për këtë nuk kam çfarë shpjegimesh të jap".
Gjatë konferencës për shtyp, Znj.Dade përcolli mesazhin e Departamentit Amerikan të Shtetit për mbështetje të plotë ndaj kryeministrit shqiptar, Ilir Meta dhe qeverisë së tij./tvklan.al
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
