Delegacionet ruse dhe ukrainase nisën në afërsi të kufirit me Bjellorusinë bisedimet që synojnë zbutjen e konfliktit, i cili ka marrë me qindra jetë deri tani. Takimin e hapi ministri i jashtëm bjellorus, Vladimir Makey i cili i siguroi përfaqësuesit e të dyja palëve se në atë sallë, duhet të ndihen plotësisht të sigurtë. Delegacioni rus kishte në krye të dërguarin special të Kremlinit, Vladimir Medinski, ndërsa pala ukrainase udhëhiqet nga kreu i grupit parlamentar të partisë presidenciale, David Arachamija.
Zyra e Presidentit Zelenski deklaroi se qëllimi kryesor i kësaj mbledhjeje është vendosja e një armëpushimi të menjëhershëm dhe tërheqja e trupave ruse. Kryenegociatori rus Medinsk tha se ata donin të gjenin një marrëveshje në interes të përbashkët sa më shpejt që të jetë e mundur. E ndërsa diplomacia po bën një përpjekje të fundit për të ndaluar makinerinë e luftës, dhjëtera civilë u vranë sot e qindra të tjerë u plagosën nga bombardimet e ashpërsuara ruse në qytetin e rëndësishëm Kharkiv. “Cfarë po bën bota? Ajo duhet ta ndalojë këtë tmerr”, shkroi në Facebook Anton Herashchenko, këshilltar në ministrinë e brendshme ukrainase.
Sipas OKB-së, shumica e civilëve të vrarë deri më tani kanë gjetur vdekjen nga shpërthimet , predhat e artilerisë dhe bombardimet. Zelensky i tha më herët kryeministrit britanik Boris Johnson se 24 orët e ardhshme, do të jenë vendimtare për kombin e tij. Ndonese nuk është i bindur për rezultatin e bisedimeve, kreu i shtetit ukrainas sërish pohoi se “ia vlen që ta provojmë”. Ai pranoi që të nisë një delegacion për tu takuar me zyrtaret rusë, por nuk u pajtua as me kushte e as me lëshimë, duke e bërë të qartë se nuk do t`i lejojë Rusisë asnjë lloj epërsie pas sulmit të saj të paprovokuar.
Pamje: AFP, Telegraf
Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#Ukraine#Russia#TopChannelNews
Ещё видео!