ازاي تنجحي في التلاعب بالنرجسي
تعالي نتكلم عن التلاعب بعمق اكتر ونفهم أصلا يعني ايه تلاعب
التلاعب هو التأثير بشكل فعال على نية شخص ما ،،، او انك تخلي شخص يترك اللي بيعمله ومتعود يعمله عشان يعمل حاجة تانية انتي عايزاه يعملها
وهو دة اللي النرجسي عمله معاكي من اول يوم شافك ، هو لقى فيكي حاجات عاجباه جدا وشوية حاجات مش عاجباه فأخدك عشان "بالنسبة له " مميزاتك اكتر من عيوبك(قوتك وثقتك بنفسك واستقلاليتك وبهجتك وازدهارك ومرحك وفرحك) دي عيوبك بالنسبة له لكن مميزاتك بقى (الخدمة والعلاقة الحميمة والجمال اللي حيحلي الصورة والمركز والفلوس واهلك وذكائك وحنيتك وضعفك وخوفك من ربنا ) يعني كل حاجة حيستفيد منك فيها هي مميزاتك بالنسبة له ، المهم هو بقى لما اخدك كان مقرر يغير العيوب دي اللي فيكي عن طريق التلاعب
طيب انا بقول لك كدة ليه عشان افهمك ان هو اللي بدأ بالاعتداء عليكي وبالتلاعب وانتي لما حتتلاعبي بيه مش عشان انتي شريرة لا عشان انتي مش حتعرفي تاخدي حقوقك غير كدة
١- ومن هنا لازم تسألي نفسك قبل ماتبدأي تدخلي لعبة النرجسي ،انتي ليه عايزة تتلاعبي بيه ؟ لازم تحددي هدفك وتوضحي نيتك عشان تكوني ثابتة ومتأكدة انك مش بتعملي حاجة غلط وعشان ماتتهزيش ولا تتراجعي ،وكمان تؤكدي على نفسك انك عايزة حقوقك مش عايزة تنتقمي عايزة تحمي نفسك واولادك مش عايزة تؤذي حد
٢- ودة بيوصلنا للنقطة اللي بعدها اللي هي ايه المشاعر اللي بتدفعك وبتحفزك انك تتلاعبي بالنرجسي؟ هل هي مشاعر سلبية زي الخوف او الغضب او الانتقام ، ولا مشاعر إيجابية زي القوة والثقة بالنفس ، خدي بالك لو كانت المشاعر دي سلبية فدة اول خطوة للفشل لان انتي لازم تحيدي مشاعرك تجاه النرجسي عشان تعرفي تتلاعبي بيه ودة حياخدنا للنقطة اللي بعدها
٣- شوفي النرجسي ليه بينجح في التلاعب بيكي وبأي حد حتى أولاده بينجح في التلاعب بيهم ؟ ليه لانه معندوش مشاعر ،لكن انتي عندك طيب تعملي ايه عشان تنجحي انتي كمان في التلاعب لازم تحيدي مشاعرك ودة حتوصلي له لما تتعافي تماما حتوصلي لكدة حتتعاملي معاه كآلة هو آلة وانتي كمان آلة مش حتتعاملي بشخصيتك الطيبة الحنينة ولا بمشاعرك الدافية لا خالص لازم تتعاملي بدون أي مشاعر تجاهه عشان تقدري تنجحي عشان كدة دايما أقول ماتحاوليش تتلاعبي ولا تتجاهلي الا اذا كنتي تعافيتي تماما واصبح النرجسي بالنسبة مجرد قط او جار وبس ، معنى كدة انك لازم تبصي له على انه مكنة القهوة بتاعتك عشان تعرفي تتلاعبي بيه واحيانا بنقول مكنة الايه تي ام ،
طيب في شوية حاجات لازم تعرفيها عن النرجسي عشان تنجحي في التلاعب بيه ودي حنقولها الحلقة الجاية ان شاء الله
Ещё видео!