Bir çox insanlar yaşından asılı olmayaraq arterial təzyiqdən əziyyət çəkirlər. Amma bir çoxları arterial təzyiqin artmasını ciddi simptom kimi hesab etmirlər və bu səbəbdən həkimlərə müraciət etməyə tələsmirlər. Həkimlər bildirirlər ki, məhz arterial təzyiqin artması bir çox xəstəliklərdən xəbər verir.
Nefroloq ELNUR FƏRƏCOV: “Düzgün nəzarət olunmayan təzyiqlər çox ciddi fəsadlarla müşahidə olunur. Fəsad olduğu halda müalicə gecikmiş olur və ciddi bir effekt əldə edə bilmirik”.
Böyrək xəstəliklərinin birinci simptomu yüksək arterial təzyiqdir. Həkim-nefroloq Elnur Fərəcov deyir ki, əgər bir insanda yüksək arterial təzyiq olarsa, mütləq böyrəklərini yoxlatmalıdır. Ona görə də əgər bir insanda təzyiq varsa mütləq şəkildə onun böyrək probleminin olub-olmamasını araşdırmalıdır.
Həkimlər deyirlər ki, hipertoniyadan əziyyət çəkən bir çox insan müəyyən həbi qəbul etməklə arterial təzyiqi daim normada saxlamağın mümkün olduğunu fikirləşsə də, bu, heç də belə deyil. Effektli dərmanın seçimi uzun və çətin prosesdir. Bir çox hallarda vaxt keçdikcə dərmanı, onun dozasını, qəbul rejimini dəyişmək lazım olur. Bunu da yalnız həkim etməlidir.
