Subscribe në Ora News këtu [ Ссылка ]
Qytetarë himariotë që banojnë në Greqi janë tubuar pasditen e të enjtes para selisë së Ambasadës shqiptare në Athinë.
Ata kanë protestuar kundër shembjes së banesave në Himarë, gjë që e cilësojnë si “plan për çrrënjosjen e tyre në kushte spastrimi etnik dhe shkelje të çdo nocioni të së drejtës”.
Nën mbikqyrjen e forcave të shumta policore, ata kanë lënë në hyrje të Ambasadës një peticion, ku ndër të tjera shkruhej:
“Shprehim protestën tonë për rrënjën e gjithë të këqijave që nuk është tjetër veçse problemi i pronave, që po e torturon zonën tonë këto 27 vitet e fundit.Kërkojmë sanksionimin me ligj që pronat e banorëve të bashkisë së Himarës, që nga Llogaraja deri në Nivicë, t’u kthehen pronarëve të ligjshëm dhe trashëgimtarëve që u takojnë”.
Ata gjithashtu kërkojnë që të pezullohen shembjet e banesave derisa çështja të rregullohet me amendamente ligjore.
Në protestën e organizuar nga Unioni i Himariotëve të Athinës, pati një prezencë të fuqishme të partisë ekstremiste Agimi i Artë si dhe të një force të porsakrjuar politike, me emrin “E djathta e Re”.
Deputeti i Agimit të Artë, Kristos Papas, përsëriti kërkesën e tij që aviona luftarakë grekë të fluturojnë mbi qiellin e Himarës.
Papas gjithashtu u shpreh se emigrantët shqiptarë duhet të dëbohen nga Greqia, si dhe mos t’u jepen më leje qëndrimi.
Për më shumë lexoni në: [ Ссылка ]
