Bal istehsalı arılar üçün çox böyük səy tələb edir. Məsələn, yalnız 1 kq xam nektar toplamaq üçün 2000 arı 1 gün işləməlidir. Toplanan bu miqdarın ancaq bir hissəsi bala çevrilə bilər. 1 kq təmiz bal əldə etmək üçün təxminən 35 min bal arısının 20 milyon çiçəyi ziyarət etməsi lazımdır. Bu böyük bir rəqəmdir. Çox zəhmətli iş olsa da, arılar ehtiyaclarından daha çox bal istehsal edirlər. Şübhəsiz, bu vəziyyət Allahın bizlərə verdiyi nemətlərin ən gözəl nümunələrindən biridir. Çünki arıların ehtiyaclarından daha çox bal istehsal etmək qabiliyyətləri olmasaydı yalnız öz ehtiyacları qədər istehsal etsəydilər biz bu ləzzətli və bəsləyici qidadan faydalana bilməyəcəkdik.

Arıların möcüzələri yalnız bal istehsalı ilə məhdud deyil. Pətək istehsalı da tək başına bir möcüzədir. Balın yığılacağı pətəklər olmasaydı arıların böyük əməklə istehsal etdikləri bütün bal tökülərdi. Əslində arılar elə çalışqan, elə ağıllıdırlar ki, hər mərhələni qrup və plan ilə reallaşdırırlar. Arı koloniyası istehsal kompleksi kimi işləyir. Bu kompleksin içərisində istehsal, planlama, qablaşdırma, yığma, işçilərin koordinasiyası, təmizlik, təhsil, qısaca hər şey var.

İndi izləyəcəyiniz görüntülərdə bir arı yuvasının içərisinə yerləşdirilən kameradan arıların pətəkləri necə hördüklərini izləyəcəksiniz. 3 ay ərzində qeydə alınan bu arı görüntülərində arılar böyük təşkilatçılıqla hərəkət etdikləri görülür. Koordinasiya və əməkdaşlıq mükəmməldir, heç bir qarışıqlıq yoxdur. Pətək istehsalında arılar istifadə etdikləri xam maddəni, yəni arı mumunu da özləri ifraz edirlər. Arı mumunu inşaat ustası kimi diqqətlə istifadə edirlər. Pətəkləri meydana gətirən altıbucaqların ölçüləri, pətəyə verdikləri bucaq, hər şey hesablanmışdır, heç bir səhv yoxdur. Çünki ən kiçik bir riyazi səhv bütün balın pətəkdən tökülməsinə səbəb olar. Pətəkləri inşa edərkən şanın istiliyinin də müəyyən bir dərəcədə sabit saxlanılması əhəmiyyətlidir. Əks təqdirdə arı mumu ya əriyər, ya da sərtləşər. Eyni inşaat ustasının sementi donmaması üçün müəyyən bir istilikdə mühafizə etməsi kimi arılar da pətək istehsalında istifadə etdikləri arı mumunu uyğun istilikdə sabit saxlayırlar.

İnşa edilən pətək hüceyrələri arıların topladıqları nektarlardan hazırladıqları balla doldurulur və son mərhələ möhürləmə olur. Arılar olduqca diqqətlidir. Hər bir pətəyin üzərinə pərdə kimi incə bir arı mumu təbəqəsi ilə bağlayıb, son olaraq mükəmməl qablaşdırma edirlər. Və məhz arıların böyük əmək və fədakarlıq ilə hazırladığı möhtəşəm dadı və şəfa verici xüsusiyyəti ilə ən qiymətli qidalardan biri olan bal, arıların meydana gətirdiyi pətəklərin içində, qablaşdırılmış olaraq tərtəmiz, bəsləyici bir nemət olaraq süfrələrimizdədir.

свернуть