لاقلت من حرب
اشوف اني فهقت النجوم

خالد ال بريك

كلمات
عمر الجابري

__________


ليل الشتا صار همً من كبار الهموم
بدايته. سرمده ونهايته سرمده

اكثر عذابه على الشاعر يشن الهجوم
ايمر في ضغط فكر ورحلةً مجهده

ياناس لاتلحقون امقلل الشعر لوم
قريحة الشعر لو يبغا ماهي في يده

المبدع يواجه الاحراج في كل يوم
كل ماتصبح صبااح تجيه متجدده

لاصرت شاعر ورجالن كفو ومحشوم
احسب حسابك لبكره واحسبه لبعده

امدورين الشعر ومدورين اللزوم
منصاهم الاصوك اللي ماهنا مرقده

وانا مع الطيبين اخذت خير القسوم
من يحتزم بي لك الله بشره بسعده

والله ماجنب عن الواجب وجنبي دحوم
ما دمت اصلي لربي واشكره واحمده

لا قلت من حرب اشوف اني فهقت النجوم
افعالن امسنده وجدودن امسنده

بيارق العز ساس المجد عوق الخصوم
الفعل حنا هله والحق ما نجحده

نضرب على الارض بالهيبه وكبر العزوم
واللي يحدد مدانا ماهو امحدده

من عهد زرق الرماح وعهد زرق السهوم
لليوم هذا وحنا نارنا موقده

كبيرنا ينطح القالات ويضد قوم
وصغيرنا عزن لربعه وعز بلده

يامرحبا في حلال امعربين السلوم
اعداد برق المخيل وماطره وارعده

يابو عوض جعل راسك للجماعه يدوم
ياريف ربعك ليا صار الزمان ازهده

حفلة عيالك حضرناها وجينا عموم
كل واحد يشوف هذا الحفل حفل ولده

انت الفخر والذخر وانت الحصان الجزوم
وانا امدح الرجل والفعل الصحيح اشهده

ياشوق وضحاً رهاويه وسندا ردوم
اسبالها تعشق الغربي وتستطرده

مابين ذيك الحزوم وبين ذيك الحزوم
في شفها ما تغبط البنك والارصده

свернуть