كلمات بروق الغلا
آداء صوت الفخامه متعب الخيل
لطلب الشيلات0530757162
سناب muteb15alkhail
تيك توك muteb14alkhail
المصمم رعود سناب atb9079
تيك توك atb9079

لاح براق المطر واستبشرت
كل وديان العرب وديارها
مع تباشير الوسم شفنا السحاب
جعلها تسقي الدير ب امطارها
جعلها تسقي مداهيل البدو
وتحيي ارضً ميتات اشجارها
ذكريات وشوق وايامً مضت
تشتعل في وسط قلبي نارها
كانت الدنيا بسيطه والعرب
والليالي ماختلف مسارها
نتبع شفوف النفوس مع الفجوج
والدير ناصل جميع اقطارها
في قرى الحره نسوق اقدامنا
ونتبع اللي فوق الارض اثارها
حرةً فيها الوناسه والطرب
في طرفها الصيد حول احرارها
وخوة قرومً على وضح النقا
روس قومً ماتطفى نارها
العشاء صيد وعلى نار الحطب
والدلال يفوح فيها بهارها
نتعب ونشقى لكن مستأنسين
ولانبيح نفوسنا باسرارها
كم قطعنا من مكان ومن جبال
في يمين الدار ولا يسارها
والليالي بين حلً وارتحال
الله يكافي جميع اخطارها
بين حين وبين يوم وبين عام
غيرت حتى الجبال احجارها
كم خذت عزيز قوم وكم خذت
من رجالً يستشار بشارها
وكم تغير من رفيق ومن صحيب
غيرت حتى علينا انظارها

свернуть