Bəstəkar Emin Sabitoğlu, Söz: Nigar Rəfibəyli © AzTV [ Ссылка ] | Sözlər (lyrics) ⤵️

Sözlər (lyrics):

Mən ki, doymamışdım heç vüsalından,
Mənə zülm elədi yaman ayrılıq.
Nə olardı bir gün durub yuxudan
Görəydim ki, olub yalan ayrılıq…

Mən görəndə orda yaz səhəriydi,
Xoş nəfəs baharın küləkləriydi,
Açılan ağ badam çiçəkləriydi,
İndi onlardımı solan, ayrılıq!

Biz ki, bir ruh idik iki bədəndə,
O gülüb-sevinsə gülərdim mən də,
Vüsalın bülbülü uçub gedəndə,
Daş kimi qəlbimdə qalan ayrılıq.

Kim qıydı dostların bahar elinə?
Mehriban sözünə, şirin dilinə,
Cananın sazını alıb əlinə
Əğyar mizrabıyla çalan ayrılıq.

Gün çıxar, dağların əriyər qarı,
Pozulmaz dostların əhdi, ilqarı,
Keçər ürək dərdi, könül qubarı,
Gəl etmə meydanda cövlan, ayrılıq!

Nigar Rəfibəyli ©

#EminSabitoghlu #EminSabitoğlu #ayriliq

Tags: emin sabitoglu, nigar refibeyli, aman ayriliq, ayrilig, qizil fond, retro mahnilar, kohne mahnilar, nostalji

свернуть