سبحان من ابدَع

كلمات: فيصل السديري
الحان: عزوف
توزيع: ياسر ماجد
كورال الشرقيه
ايقاع: هاني الدوسري
مكس: جاسم محمد

شقّ المسا نورٍ ظهَر مع طلّة (منيرة)...
والورد فتّح قبل نور الشمس ما يطلَع...
وفجر الحسن يوم اشرقَت غنّت عصافيره...
انشودةٍ عنوانها: (سبحان من أبدَع)...

الليل توّه ما خلَص لا احدٍ بتفكيره
يطري عليه انّ الزمن من ساعته أسرَع...
ولا تسرفون بكثرة الهوجاس والحيرة...
بالمختصر هذي (منيرة) نورها شعشَع...

هذي صباح الخير والخير وتباشيره...
لا جت يجون ولو ف عزّ الليل.. مايمنَع...
هذي هي اهلاً بالفرَح لا جوا مساييره...
وهذي جميع الحزن لامن شافها ودَّع...

هذي هي الحلم الذي عِجزوا بتفسيره...
لكن حلاها واقع وكلٍ عليه اجمَع...
هذي عروس محمد اللّي ما تبي غيره...
وفي عَرش قلبه ما سواها بنت تتربَّع...

جعل الوفا ماتنتهي معهم مشاويره...
واحساسهم بالحب من رائع إلى أروَع....
وتبقى (منيرة) دايماً لمحمد منيرة...
شمسٍ تشعّ ويشكر الله كلّ ما تطلَع...

свернуть