"Ақтөбе" әлеуметтік-кәсіпкерлік корпорациясы қаладағы көкөніс бағасын тұрақты ұстап тұруды қолға алды. Бұл үшін "Тұрақтандыру қоры" қолданылады. Қорда картоп, сәбіз, қырыққабат пияз бар. "Табыс" коммуналдық базарларында және әлеуметтік дүкендерде аталған көкөністер төмен бағамен сатылып жатыр. Мамандардың айтуынша, аймақта азық-түлік бағасын тұрақты ұстау үшін әуелі өнімнің жеткілікті әрі мол қоры болуы тиіс. Облыста азық-түлік тауарларын, оның ішінде көкөністерді сақтайтын коммуналды қоймалардың қатары көбеюде. Соның бірі -"Пригородный" ЖШС. Мұнда көкөністің мол қоры сақталған. Картоп, жуа, сәбіз, қырыққабатты тонналап өндіреді. Мұнда жуа-53 теңге, картап, сәбіз, қырыққабат 58 теңгеден. Көкөністі аталған шаруашылық өздері өсіріп, өндіреді. Сол себепті өнім таусылып қалады деген қорқыныш жоқ. Фирма келісім бойынша өнімді өз қоймасына сақтайды. Қоймада жұмысшылар таңнан кешке дейін талмастан жұмыс істейді. Қойма толы картоп. Мұны уақытынан бұрын бұзылмас үшін мына құрылғы арқылы тазалап, қапқа толтырады. Шіріген өнімді тастауға тура келеді, бұл үлкен шығын. Сол себепті таза әрі тез жұмыс істеуге тырысады. Тұрақтандыру қорына бірнеше тонна көкөніс жөнелткен. Сонымен қатар қаладағы ірі сауда орталықтарымен де тұрақты байланыс бар.Дегенмен қалада көкөніс бағасы әртүрлі . "Табыс" коммуналды базарындағы бағалармен таныстық. Айтарлықтай қымбат емес, тұрақты әрі қолжетімді. "Ақтөбе" әлеуметтік-кәсіпкерлік корпарациясы қаладағы көкөніс бағасын тұрақты ұстап тұрғанын айтады. Шағын базарларда, әлеуметтік дүкендерде көкөніс арзан бағамен сатылып жатыр. Атап айтқанда картоп пен сәбіздің келісі -70, пияз -55, қырыққабат -75 теңгеден. Бағаның бір қалыпты тұруына әкімшілік жауапты. Қалада 22 әлеуметтік дүкен бар. "Базарларды басқару" ЖШС мамандары бағаларды әкімшілік шешетінін айтады. Дүкендер мен сауда орталықтарында баға басқаша сөйлейді. Аталған базарлардан бірнеше есе қымбат.Бөлшек саудамен айналысатындар кіріс түсіміне байланысты бағаны күн сайын арттырып отырады, бірақ, шекті бағадан асырмауға тырысады. Айталық мына "Анвар" сауда орталығында жуа-85, картоп 92, қырыққабат 116 теңгеден сатылып жатыр. Павлодар, Қостанайдан әкелінген көкөністердің бағасы көтерме базарда көңіл көншіткенімен, бөлшек саудада бұл тауарлардың бағасы екі есеге көтеріледі. Қазір қалада картоптың бағасы 70-100 теңге аралығында. Бағалар әр жерде әртүрлі.
Сайт телеканала [ Ссылка ]
Twitter [ Ссылка ]
Вконтакте [ Ссылка ]
