لتكون انت المليونير التالي
رابط قناتنا المتخصصة في ادارة واستثمار المال والوقت
[ Ссылка ]
حساب القناة على الانستقرام
[ Ссылка ]
قبل لا تبدا الاستثمار في الاسهم او العملات الرقمية او اي منصة عبر الانترنت لازم تشوف الفيديو هذا
#استثمار
#اسهم
#تداول
#بينانس
#عملات
#رقمية
لما تكتب في جوجل كيفية شراء الاسهم او العملات الرقمية.
٩٠٪ من نتايج البحث فالصفحة الاولى راح تبيينلك انها مواقع لشراء الاسهم او العملات الرقمية
بس فالحقيقة هذي المواقع هي للاستثمار في عقود الفروقات وهو شيئ مختلف تماماً عن شراء الاسهم والعملات الرقمية اللي فبالك
ف كيف نعرف المواقع الامنه للاستثمار وكيف نكتشف النصب والاحتيال في هذي المنصات
وماذا بعد زد ميديا ،الشركة اللي نصبت على عشرات الالاف في لبنان ومصر وسلطنة عمان والعراق وللان في محاولات جارية للاستمرار ولكن بأسامي مختلفة
الموضوع بسيط جدا ولا يحتاج تعقيد ،وفهذي الحلقة اوعدكم في نهايتها راح يوضح كل شيئ ولما تجي تستثمر اموالك بتكون واثق في قرارك باذن الله
بس قبل كل شيئ حبيت انوه انه كل اللي راح اذكره في هذي الحلقة ليست نصيحة مالية وفقط لغرض الترفيه
درست ماجستير ادارة اعمال وانا في عالم التداول اكثر من ١٦ سنه
لكن ما في اي شخص او كتاب او فيديو راح يضمن نجاحك فالاستثمار
ولكن قد يساعدك في اتخاذ القرارات الصائبة
زد ميديا كانت من اكثر الشركات وضوحا في نصبها
استغرقت ٥ دقائق في اكتشاف فسادها
وهذي ابرز ٣ نقاط لو شفتها في اي شركة، ابتعد عنها
١- اعرف طريقة ربحها
تعمل متابعه واعجاب واحد يساوي ٣ ريال!
كيف تصدق هالرقم الخيالي
لو دخلت جوجل وشفت اسعار الاعجاب المتابعه. ال٣ ريال سعره ٥٠٠ متابعه! يعني زد ميديا تدفعلك ٥٠٠ مره اكثر!
بالمنطق يعني من الشخص اللي بيدفع اكثر ٣ الاف ريال عماني علشان الف متابعه!
اذا كنت ماتعرف تحسبها لا تدخل هالسوق لانه في معظم الحالات اللي يستثمر فشي ما فاهمنه يخسر
٢- نظام ادفع علشان تشتغل عندنا؟
وكل ما دفعت اكثر كل ما شغلك صار يربحك اكثر!
هذا نظام واضح من عنوانه! اذا الشركة توظفك علشان تقوم بمهام يومية شو دخل فلوسك فالموضوع؟
عمرك حضرت مقابله وقالولك ادفع فلوس علشان نعطيك فلوس واذا دفعت فلوس اكثر بنعطيك فلوس اكثر؟
هذا عنوان النصابين فكل مكان
٣- التسويق الهرمي!
لما تشوف الشركة تدفع للناس علشان توظف ناس وتدفعلهم راتب شهري، تأكد وبلا اي شكك انها شركة نصب
زد ميديا كانت تدفع رواتب شهرية للمسوقين لها بارقام خيالية. لدرجه انه احد الاشخاص استلم مبلغ وقدره
٢٠ الف ريال مجهودة!
للعلم انا كنت معاهم واتابع كل شيئ وانتظر لحظة الهروب بعد ما حذرت في اكثر من مقطع على مواقع التواصل.
طيب كيف نحصل منصات نقدر نستثمر اموالنا فيها بأمان.
١-
استثمر المنصات الكبيرة والمعروفة
المنصات الجديدة والغير معروفه عادة ما تكون خطيرة لعدة اسباب
١- مافي اي تقييم لها من اي مؤسسه ولا تاريخ في معاملاتها وصحة تداولها
٢- خطر الافلاس، شركة ناشئة جديدة مش متمرسه فشل الادارة فشل الشركة وبتروح فلوسك معاها
٣- تلاعب فالاموال وتأخير فالدفع والربح ماعندها سمعه تحميها.
٢-
الربح من راس المال المستثمر يكون بين ال٥ الي ١٢٪
لو قالك اي شخص او اي شركة انه راح تربحك بشكل مضمون ١٣٪ او اكثر سنويا مش شهريا
حط فراسك الف علامة خطر لهذه الاسباب
لانه افضل الاستثمارات فالاسهم والعقار المضمون متوسط ربحه في حدود ال١٠٪ سنويا
يعني تستثمر ١٠ الاف ريال بعد ١٢ شهر يصير راس مالك ١١ الف.
زد ميديا ال١٠ الاف تحولها الي ٢٠ الف في ٢٧ يوم فقط
عرفتوا كيف واضحه وضوح الشمس في نصبها؟
اكيد سألوا فداخلكم يعني مافي طريقة احول ال١٠ الاف الي ٢٠ الف فسنه؟!!!
فيه لانه ماشي مستحيل فهالدنيا بس صعبة جدا جدا جدا
لازم تكون خبير في شغلك
لازم الحظ يلعب دور كبير
ومستحيل تقدر تكررها كل سنه!
ليش اقول هالكلام؟
لانه افضل مستثمر فالاسهم المخضرم وارن بفيت
اللي صارله فالسوق عشرات السنوات وعنده شركته الخاصه فالاستثمار
متوسط ربحه في اخر عشر سنوات ٢٤٪
يعني ال١٠ الاف حولها ١٢ ونص في ١٢ شهر
————————
٣- خلونا نرجع لبداية الحلقة لما قلت ٩٠٪ من نتايج البحث عباره عن عقود فروقات، شو يعني وليش لازم تحذر منهم.
اغلب نتايج البحث هذي عباره عن منصات تداول العملات الرقمية والاسهم العالمية والفوركس عن طريق عقود الفروقات
هذي فقط اكرر فقط اللي عنده خبره في التداول و تحليل كل لحظة فالسهم او العملة
لانها راح تاخذ فلوسك فلمح البصر
كيف؟
نفترض انك شريت سهم واحد من شركة في سوق مسقط للاوراق المالية او اي سوق رسمي فدبي ولا فالسعودية او حتى امريكا ناسداك مثلا
لو كان يوم سيئ ونزل السهم الي نص ريال. راح تنقص ثروتك من ريال الي نص ريال
في عقود الفروقات لو نزل السهم من ريال الي نص ريال ما راح تنقص ثروتك. راح تتسكر الصفقة ويصير رصيدك صفر
لانه نظامها معقد جداً للمستثمر العادي ٧٠-٧٠٪ من المستثمرين يخسروا اموالهم فيها عشان كذا الشركات هذي مجبوره تحط هذا التحذير في كل اعلان او صفحه لهم
فاحذروا من المنصات اللي فيها عقود فروقات او سي اف دي لو ما كنتوا متمرسين لها!
حفظوا هالكلمات مثل القرآن سي اف دي و عقود الفروقات.
وسطاء مرموقين في دولتك
اما في العملات الرقمية
منصة بينانس هي الاكثر شهرة وثقة فالمنطقة ،ومؤخرا تم تسجيلها في عدة دول خليجية.
وايضا منصة رين مرخصة في مصرف البحرين المركزي.
دايما شوفوا التراخيص للشركات
بس لا تثقوا كثير بالشركات اللي فقط مسجله في قبرص وسي شل وهالدول اللي تراخيصها سهله.
خلونا ناخذ مثال على خطورة نتائج البحث عليك
