ليه مجاش ذِكر للمِزود في إصحاح 2من إنجيل مَتَّى؟ والمَجوس كان عددهُم كام؟ هل الكتاب ذَكر لينا عدد ليهُم؟
مِن الأخطاء الشائعة أنَّهُم ملوك وهُمَّا مِش ملوك هُمَّا مَجوس أو حُكماء
ثُمَّ من الأخطاء الشائعة أيضًا أنَّهُم 3، وفي الحقيقة هداياهُم 3 لَكن الكتاب مقالناش هُمَّا عددهُم كام
أيضًا من الأخطاء الشائعة إن يصَوَّرلِنا المَجوس والمسيح في مزوَد
دي أخطاء شائعة في الصُّوَر
وطبعًا الصور لا علاقة لها بالوحي الكريم المُقَدَّس اللي إحنا بنؤمِن بيه
المَجوس لَم يأتوا إلى مكان في مزوَد لَكن أتوا إلى البيت، زي ما بيقولِّنا عدد 11
لِماذا لَم يأتوا إلى المزوَد لأن في الحقيقة المذوَد دا كان في فترة حَرِجة فيها إكتتاب وكُل الناس بتتحَرَّك فالفُندق أو الَمنزِل يَعني
لَم يَكُن للمسيح مكان لأنه كامِل العدد
لَكن بَعد فَترة أمكَن تَدبير بيت فَذَهبوا إلى البيت لأن نِفهَم إن المَجوس ماوصلوش بُعيدَ مَولِد المسيح لَكن كان عَدِّت رُبَّما
مسافة سَفر، رُبَما شهور
فكان أمكَن تَدبير مكان للمَسيح في البيت، وَصَلوا المَجوس إلى البيت وليس إلى مزوَد اللي بنقرا عنه في إنجيل لوقا
الرُعاة راحوا للمزوَد، لَكن المَجوس ذَهَبوا إلى البيت
بنعرف بعد كدا إن هيرودس علشان يَضمن موت المسيح أمر بقتل الصبيان من سنتين فما دون
يَعني ما حددش إنه مثلاً المولود من أيَّام أو مِن شَهر، لأنه هو كان عارف إنه ممكن تكون كانت عَدِّت شهور فِعلاً
وهو مِن شراسته ما طلبش إنهُم يقتلوا بتوع الشهور، لَكن من سنتين فتَحت عشان يِضمن
لَكن من ناحية التَمَيُز كُل إنجيل عن الآخَر
إحنا عارفين إنه إنجيل مَتَّى يَتَكَلَّم عن المسيح المَلِك والميلاد في مزوَد أو الولاده في مزود ديَّة من علامات المسيح الإنسان المُتَضِّع
فلازِم هنا يَتكَلَّم عن المسيح المَلِك وزيارة المَجوس والهدايا بتاع المَجوس ويَغفل تَمامًا ذِكر المزوَد اللي بَعد كدا هايتكَلِّم عنه لوقا لأنه هايقَدِّم المسيح الفَقير ابن الإنسان
يمكنك مشاهدة الحلقة كاملة في الرابط التالي:
[ Ссылка ]
تابعنا على:
Facebook Page: [ Ссылка ]
Youtube Channel: [ Ссылка ]
Soundcloud Channel: [ Ссылка ]
Twitter: [ Ссылка ]
Website: www.kolelketab.com
