تليفونك في خطر ٫ يا تلحق يا ما تلحقش!!
زيادة أسعار خدمات الاتصالات بقى أمر مفروغ منه ، يا ترى ليه و امتي هنشوف الزيادة دي؟
شركات الاتصالات في مصر بقالها سنتين بتتفاوض مع الحكومة علشان تزوّد أسعار خدماتها، وده ببساطة علشان الشركات دي الجزء الأكبر من مصاريفها بالدولار، وفي خلال السنتين اللي فاتو ومع تدهور سعر الصرف، مصاريف الشركات دي اتضاعفت و يمكن كمان بقت تريبل و من الناحيه التانيه ايرادتهم زادت بس زيادة بسيطة تخلي مكاسبهم اللي متعودين عليها تقل.
مفاوضاتهم دي مع الحكومة وصلت لآخرها تقريباً، ورئيس الجهاز القومي لتنظيم الاتصالات، محمد شمروخ، قال من ساعات ان زيادة أسعار خدمات الاتصالات حتميّة ومفيش مهرب منها، خصوصاً بعد ما الشركات مضت امبارح المرحلة الثانية من رخص الجيل الخامس، وده معناه ان الشركات هتدفع خلال ٣ شهور ٦٧٥ مليون دولار تقريباً.
لغاية دلوقت مافيش وقت محدد للزيادة، بس غالباً الزيادة هتكون في خلال ال ٣ شهور اللي جايين.
