أغنية "هذا الإماراتي"
كلمات: حسان العبيدلي
ألحان: فايز السعيد
هذا الإماراتي... هذا الإماراتي
لسمعته هيبه والناس تدريبه
تعَرْفه من طِيبه لانه إماراتي
والنعم اخو شمّا ع (زايد) مسمّى
ما يختلف مهما اتْدور الأوقاتي
العز من طبعه اسأل عنِه ربعه
والجود من نبعه لانه إماراتي
في الدار والغربه ماشي مثل قلبه
وفي الفزعة ابشر به يفزع ولا يحاتي
بعزته يرقى وبالكون ما تلقى
في الطيب والملقى مثل الإماراتي
نفسٍ شميميّه وطيبه خياليّه
وروحه رياضيّة هذا الإماراتي
هذا ولد زايد الوالد القايد
عزوته "بو خالد" فخر الإماراتي
هذا الإماراتي وهذي إماراتي
تحيا بها الحياة في الماضي والآتي
