الله على اللي تستحل المنصات
زين العذارى في رقبتها قلاده
بنت الشيوخ اللي تروم الطويلات
اللي على عز وشموخ و سيادة

فالعيد لا جت بالثياب الجديدات
على العذارى مثل حرب الاباده
فالذوق ذوق ام العيون الوسيعات
الزين حربه والفخامه عتاده

اليا جلست توجع رقاااب التلفات
واليا وقفت شفت الأدب و الركاده
نشهد لها ام الفعول المسمات
لو انها ماهي بحاجة شهاده

بفعلها كم قفّلت من ملفات
اللي خذت من عز ختم الرياده
الله عطاها الصيت مع رفعة الذات
وبالزين يغلب زينها كل غادة

غزال من دونه فهود وبشاوات
اللي لهم كسب النواميس عاده

غزال نجد اللي رسم للنجاحات
واصل نجاحاته لـ خارج بلاده
من دار اخو نوره لـ دار الإمارات
حقق طموحاته ونايـل مراده

في كل يوم ترند فوق الترندات
وراعي الشداد تحوله عن شداده

свернуть