خيل العليّات

القصيد الي على فعل لو انه ضعيف
وقعه اقوى مالقصيد القوي بلا فعل
ولا ارتكى جزل المعاني على المجد المنيف
اعتنز زند المدايح على متن الجبل
ولا اجتمع وضح النوايا مع القصد الشريف
مثل ماتجمع صفات النبل فأهل النبل
جاتك الي مالها في شبايهها وصيف
من تمعن في تفاصيلها يعجب دبل
من مرابط خيلنا الي قبل عصر الشريف
يوم عاد اسلاح اهلها الهنادي والنبل
ساسها خيل العليات والاسم المخيف
قبل لا نامن وكلٍ يحط اله اسطبل
من غلاها ماتزعزع على الشي الخفيف
كود في لازم سنافي وفي قرعة طبل
تسرج لعينا خويٍ مثل حد الرهيف
تنقرا في وجهه امجاد من قبله رحل
في محله لو حضرت الحفل مانيب ضيف
والله اني عد نفسي مثل راعي المحل
يا احمد بن جريس لاجيت ابمدح ويش اضيف
دام حاضر مجدك اليوم يشب له قبل
من سلايل روس قومٍ لاجاء الامر الكليف
يقدمون اليا خذا اللاش وضعيت هبل
ان هدى موج الحرايب مجالسهم مضيف
وان تلاطم موج الاخصام عاقلهم خبل
توخذ علوم التواريخ مصدر النظيف
لاجحدها الي من النقص في وضعه خلل
يوم الابرق جاهم العايل وعود معيف
طمعته راسه وهو كان مطغيه الجهل
والمسلخ روس الابطال من تحته حذيف
سبعت اشيوخٍ اذا اكثر ولا ماهم باقل
ويوم نخى الي جاته القوم حيفٍ فوق حيف
وصارت القيمان ضده وضاقن السبل
قال تكفى يا الخييلات ، ياعون الضعيف
العرب تبغى المضارب وطايرت الشبل
وقفوا لاد الخييلي ضحى اليوم العنيف
واسروا الفريس والخيل طيبة الاصل
الخييلي عادته لا احتمى الميقاف شيف
فزعته تمن هل الدار وتفك الابل
هم هل الشرفا يوم الناس كلٍ له حليف
حلفهم مع علطٍ اخشومها تقصر لاجل
في ذراهم تيهت كل ميلافٍ اصخيف
في ديارٍ ماسبقهم عليها الا الوبل
من بني دوسر ودوسر هل المجد المنيف
ومن بني تغلب ربيعه ليا عد الاصل
آهل الرايات بالسيف والرأي الحصيف
وآهل الأمجاد والمجد له قبله وأهل
سيد الامجاد لازارنا ماهوب ضيف
في محل الدوسري يعتبر راعي محل






كلمات :
فلاح بن سهل ال جبر المصارير





اداء :
محمد ال نجم





تنفيذ :
اهتمام الدوسري



..

من فضلك : اشتراك 🔔 Subscribe - لايك Like
فعل الجرس 🛎 ليصلك كل جديد

تصميم : اهتمام الدوسري
______________________

للتواصل والاستفسارات :
الحسابات الرسمية لـ قناة اهتمام الدوسري .

‏SNAPCHAT : P.5BF


‏Whatsapp : ‭050 608 9787‬









#الخييلات
#الدواسر
#محمد_ال_نجم

свернуть