Конституция күніне орай бүгін 30 отбасы пәтерлі болды. "Нұрлы жер" бағдарламасы аясында салынған "Нұр Ақтөбе" ауданындағы 9 қабатты тұрғын үй пайдалануға берілді. Пәтер кілттерін облыс әкімі Бердібек Сапарбаев салтанатты түрде табыстады. Пәтерлі болғандар қатарында 1,2 топтағы мүгедектер, толық емес және аз қамтылған отбасылар мен бюджеттік сала қызметкерлері бар. "Нұрлы жер" бағдарламасы аясында тұрғын үйді "Қазақстан ипотекалық компаниясы" АҚ салған. Бастапқы жарнасыз жалға беріліп отыр. Өтініштер 1 ай бұрын қабылданды. 90 ақтөбеліктің ақы төлеуге қабілетті екенін банктер растаған. Алдағы бір айда құжаттар рәсімделеді. Кешендегі 3 тұрғын үйде 566 пәтер бар. 1 бөлмелі пәтер үшін айына 30 мың теңге төлейді. Ал 2 бөлмелі пәтердің ай сайынғы төленетін құны 40 мың, 3 бөлмелі пәтерге 54 мың теңге. Қалалық тұрғын үй қатынастары бөлімінің басшысы Жанаргүл Дүйсекенованың сөзінше, пәтер алғандар 5 жыл ішінде пәтердің толық ақысын төлеп, иесі бола алады. Жыл соңына дейін Қазақстан ипотекалық компаниясы 600-ге жуық пәтер тапсырмады. Ал қалада баспана кезегінде 22 мыңға жуық адам тұр.
Сайт телеканала [ Ссылка ]
Twitter [ Ссылка ]
Вконтакте [ Ссылка ]
