ԱՍՏԾՈ ԱՐՀԵՍՏԱՆՈՑԸ / GOD'S WORKSHOP ** Episode 087

ՄԵՂՔԸ ՄԵՂՔ Է
(անկախ նրանից, թե ինչ ես այն անվանում)
Ընթերցանություն. Եսայի 5.8-30
Մի եկեղեցու առաջնորդ վրդովված մտավ իր հովվի աշխատասենյա-
կը և այդ սպասավորից պահանջեց այլևս այդքան ուղղակիորեն չքարո-
զել մեղքի մասին: Նա ասաց, որ մեղքի մասին այդքան շատ լսելու դեպ-
քում եկեղեցու երիտասարդները, թերևս, ընկնեն այն փորձելու գայթակ-
ղության մեջ: Նա շարունակեց խոսել և հովվին խորհուրդ տվեց այդ մեղ-
քերը պարզապես անվանել «սխալներ» և այդքանով սահմանափակվել:
Իմաստուն հովիվն իսկույն գնաց և բացեց իր պահարաններից մեկը,
որի մեջ մաքրող պարագաներ էր պահում, այնտեղից մի սրվակ հանեց:
Վերադառնալով սրտնեղած առաջնորդի մոտ՝ նա ասաց. «Հասկանում
եմ, թե ինչ ես ասում»: Ցույց տալով այն սրվակը, որի վրա մեծ տառե-
րով գրված էր` «ԹՈւՅՆ»՝ նա շարունակեց. «Ենթադրենք, թե հանում եմ
այս պիտակը և փոխարենը գրում՝ «Հակաթթվային դեղամիջոց». մի՞թե
այդպես լավ կլինի: Չե՞ս հասկանում,- շարունակեց հովիվը,- որքան
ավելի ես մեղմացնում պիտակի արտահայտած իմաստը, այնքան ավելի
մահաբեր ես դարձնում թույնը»:
Մեղքը մեղք է՝ անկախ նրանից, թե ինչ ես այն անվանում կամ նրան
ինչ պիտակ ես փակցնում: Աստված ատում է մեղքը: Այն ամենամահա-
ցու թույնն է: Մեղքը սպանում է հավատացյալի հոգին, եթե այն չի խոս-
տովանվում ու արմատախիլ չի արվում նրա կյանքից:
Յուրաքանչյուր քարոզիչ, ուսուցիչ և եկեղեցու առաջնորդ պետք է ժո-
ղովրդին նախազգուշացնի մեղքի վտանգավոր հետևանքների մասին:
Լսենք, թե Աստված ինչ պատվիրեց Եսայի մարգարեին: Աստված ասաց.
«Բարձրաձայն կանչի՛ր և մի՛ խնայիր: Ձայնդ բարձրացրո՛ւ փողի
նման և հայտնի՛ր իմ ժողովրդին իրենց հանցանքն ու… իրենց մեղքերը»
(Եսայի 58.1):
Ինչո՞ւ են լռում հանձնառու շեփորահարներից շատերը: Արդյո՞ք նա-
խազգուշացնող պիտակները փոխարինվել են ավելի քիչ վտանգավոր
թվացող պիտակներով:
Ցավոք՝ այդպես է: Մեղքերի մեծ մասն այժմ «կենսակերպ» կամ
«սխալ» է անվանվում կամ էլ համարվում է «ընդունելի, քանի դեռ այն
ոչ ոքի չի վնասում»: Այդուհանդերձ՝ Աստվածաշունչը դրանք «մեղք» է
անվանում և այսպես է նշագրում. «Վտանգավոր է, չդիպչե՛լ»:
«Վա՜յ նրանց, որ չարին բարի են ասում ու բարուն՝ չար, որ խավարը
լույսի տեղ ու լույսը խավարի տեղ են դնում, որ դառը քաղցրի տեղ ու
քաղցրը դառի տեղ են դնում» (Եսայի 5.20):
Փրկությունը ոչ թե մեղքի «պիտակները» փոխելն է, այլ մեղքից հետ
դառնալը:
Եթե դու քրիստոնյա ես, բայց Քրիստոսին հաճելի կյանքով չես ապ-
րում, եթե մեղքը խլել է քո օրհնություններն ու ուրախությունը, բայց դու
անկեղծորեն ուզում ես այլևս մեղք չգործել և սրբության կյանքով ապ-
րել, Աստծուն խոստովանի՛ր քո չխոստովանած մեղքերը և նրանից
ներո՛ւմ խնդրիր: Այնուհետև Հիսուս Քրիստոսին ընդունի՛ր որպես քո
Տեր և Փրկիչ:
«Ով որ Տիրոջ անունը կանչի, պիտի փրկվի» (Հռոմ. 10.13):
Արդյոք հաշտվե՞լ ես Աստծո հետ:

FOLLOW US ON FACEBOOK:
[ Ссылка ]...

FOLLOW US ON OUR WEBSITE:
[ Ссылка ]

CONTACT US FOR MORE INFORMATION:
info@josephhovsepianministries.com

свернуть