Shtrati im është dheu

Më hidhni dhé mbi trupin tim ngase tjetër teshë nuk kam
Prej sot e ndrova un shtratin tim tash banorë i varrit jam
Errësirë n’çdo anë frikë e trishtim shpirtin tim tash e kaploj
Dhe çdo rreze drite u ndërpre
çdo gjë mbaroj

Ku mbeti nëna dhe dashnia e sajë
a thua u tret
Ku mbet familja e fëmijët e mi
si më lanë vet
Ku mbetën shokët e vëllazërisë
më s’jan’ me mu
Ku mbeti grumbulli i pasurisë
që e kam fitu
Asgjë nuk mora të gjitha i lashë
dheu m’ka mbulu

Më hidhni dhé mbi trupin tim ngase tjetër teshë nuk kam
Prej sot e ndrova un shtratin tim tash banorë i varrit jam
Errësirë n’çdo anë frikë e trishtim shpirtin tim tash e kaploj
Dhe çdo rreze drite u ndërpre
çdo gjë mbaroj



Çfarë ka kjo zemër që më nuk rreh pse më s’punon
Nuk lëvizë dora s’lëvizin sytë
më përgjithmonë
Ku është shndritja e trupit tim
plotë gjallëri
Ku është dëshira për jetë të gjatë plotë harmoni
E tërë gjithësia mu bë e ngushtë
o shok’t e mi


Tek Ti u ktheva o All-llah më mëshiro
Falja gjunahet robit Tan e më shpëto
Shpresa e fundit o Zoti im
Tek Ti më mbeti
Ma shëndro mua varrin tim
Bafçe Xhen-neti

свернуть