Prokuroria e Posaçme kundër Korrupsionit dhe Krimit të Organizuar, ndryshe SPAK pas verifikimeve pasurore të kryera për dosjen e pagëzuar si “Toyota Yaris” ka kërkuar konfiskimin e pasurive ndaj pesë të hetuarve.
SPAK bën me dije se pas përfundimit të hetimeve kërkohet konfiskimi i pasurive të Klevi Cani, Edi Lika, Alban Mollaymeri, Elvis Vladi dhe Alfred Vladi. Bëhet fjalë për vlera monetare prej 3 milionë e 432 mijë e 130 euro dhe 80 mijë franga zviceriane, si dhe pasuri të paluajtshme.
Në njoftimin e saj zyrtar për shtyp, SPAK bën të ditur se ka përfunduar verifikimet pasurore për procedimin pasuror Nr.1 të vitit 2019, në ngarkim të shtetasve Klevi Cani, Edi Lika, Alban Mollaymeri, Elvis Vladi dhe Alfred Vladi.
Në përfundim të verifikimeve pasurore, bazuar në parashikimet e nenit 21 dhe në vijim të ligjit për Parandalimin dhe Goditjen e Krimit të Organizuar, Trafikimit, Korrupsionit dhe Krimeve të tjera nëpërmjet masave parandaluese kundër pasurisë” SPAK ka paraqitur në Gjykatën e Posaçme të Shkallës së Parë për Korrupsionin dhe Krimin e Organizuar kërkesën për konfiskimin e pasurive ndaj të hetuarve të kësaj cështjeje.
Si pasuri e paluajtshme është një godinë banimi dy kate dhe truall në Njësinë Administrative Nr.11, Tiranë, si dhe tokë në në fshatin Draç, në Gjirin e Lalzit, Durrës.
Afred Vladi, Elvis Vladi,Alban Mollaymeri, Edi Lika, Klevis Cani dhe Agim Ceka u evidentuan pas kontrolleve në portin e Durrësit si bashkëpunëtorët që sollën në Shqipëri rreth 3.4 milionë euro që në hetim penal u kthye edhe në një ceshtje politike.
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#ToyotaYaris#Dosja#TopChannel
