🔹Университет ғимараттарында біршама уақыттан бері «Бестемше» ойынының кілемшесі қойылды. Бұл – студенттеріміз мен оқытушыларымыздың бір сәт ой сергітіп, зияткерлік қабілетін дамыту үшін жасалған қадам. Бүгін сіздерге осы ұлттық ойынымыздың ережесін түсіндіреміз.

🔸Бестемше – қазақ халқының ұлттық-зияткерлік ойыны, 5 мыңжылдық тарихы бар мұра. Әлемдік мәдениеттің озық үлгілерімен бой теңестіре алатын рухани ойын, логикалық ойлау өнері.

😍Бестемше ойынының пайдасына тоқталайық!
— Ойлау жүйесін дамыту;
— Дербестікке үйрету;
— Назарды шоғырландыру;
— Уақытты тиімді пайдалану;
— Жоспарлау және бас тартуды үйрету;
— Жадыны жақсарту және есте сақтау қабілетін дамыту;
— Қол моторикасының дамуы;
— Жан-жақты қалыптасу.

🔸Бестемшенің ережелері өте қарапайым түрде құрылған.

⚠️ОЙЫН БАРЫСЫ
🔹Ойын арнайы тақтада екі адам арасында өтеді.
🔹Ойын басында әр ойыншыға 1 қазан, 5 отау және 25 құмалақтан тиесілі. Құмалақтар әр отауға бес-бестен салынады. Алғашқы жүріс жасаған ойыншыны – бастаушы, қарымта жүріс жасаған ойыншыны – қостаушы деп атайды.
🔹Ойын жүрісі жеребе арқылы анықталады.
🔹Жүріс жасау үшін өз жағыңыздағы отаулардың бірінен бар құмалақты қолға алып, біреуін орнына қалдырып, солдан оңға қарай бір-бірлеп таратамыз. Тарату сәтінде құмалақтар өз отауларымыздан асып кететін болса, қарсыластың отауына таратамыз. Егер соңғы құмалақ қарсыластың тақ санды құмалағы бар отауына түсіп, ондағы құмалақты жұп қылса (2, 4, 6, 10, 12), сол отаудағы құмалақтар ұтып алынып, өз қазанымызға салынады. Егер соңғы құмалақ қарсыластың отауына түсіп, ондағы құмалақтың саны тақ болса немесе өз отауымызға түссе, құмалақ ұтып алынбайды.
🔹Отаудағы жалғыз құмалақ көрші отауға жүргенде орны бос қалады.

✅ЖЕҢІС ЖӘНЕ ЖЕҢІЛІС:
🔹Ойын аяқталуға жақындаған сайын әр ойыншының отауларындағы құмалақтар таусыла бастайды. Әр құмалақ ұтып алынған сайын жүріс мөлшері кеми береді. Сондықтан ойын соңында қарсыластардың бірінің отауларында жүріс жасай алмайтын жағдай да кездеседі.
🔹Ойыншылардың бірінің отауларындағы құмалақты бірінші таусып алып, жүріссіз қалуы – атсырау деп аталады.
🔹Атсырауға ұшыраған ойыншының қарсыласы бұл жағдайда бір жүріс жасап, барлық құмалақтарды өз ордасына салып алады.
🔹Осылайша 26 және одан көп құмалақ жинаған ойыншы жеңімпаз атанады.

Бүгінгі видео сіздерге пайдалы болды деп ойлаймыз!🤗

💫Достарыңызбен бірге әр корпуста жайылған бестемше кілемшесінде математикалық және логикалық қабілетіңізді бағамдап, көңілді уақыт өткізесіздер деп сенеміз!

свернуть