Сана биігінде жолығу / Аудиокітап / Марғұлан Ақан / ТОЛЫҚ НҰСҚА
Отбасы болғанға дейінгі маңызды қадамдар мен отбасы болғаннан кейінгі алғашқы кезең
Марғұлан АҚАН
1 БӨЛІМ: Отбасы болғанға дейінгі маңызды мәселелер
1) «Үйлену керек», «күйеуге тию керек»
2) Өзімнің адамымды табу
3) Жігіт пен қыздың ортасы
4) Алып қашу (келісімсіз)
5) Бос мақтан (жігіт те, қыз да)
6) Тәрбиелеп алуға тырысу
7) Отбасы болмай тұрып "отбасын құру"
8) Талап қою
II Бөлім: Отбасы болғаннан кейінгі алғашқы кезең
1) Бірін-бірі түсіне алмау
2) Әйел әлде келін?
3) Сыйлық пен сүйіспеншіліктің азаюы
4) Еркек үшін алғашқы 3 айдағы сынақ
5) Бала туғаннан кейінгі 3 айдағы сынақ
6) Бала ортақ екенін ұмытып кету
7) Өзгенің отбасын өз үйінде мақтау
8) Ерлерде болатын депрессия
9) Ажырасуға сылтау іздеу
Автордан(Марғұлан Ақан)
55 мыңнан аса жұп 2022 жылдың қаңтар- маусым айларында ажырасып үлгерген. Бұл – ресми статистика. Статистика орталықтары жарты жылда, былтырмен салыстырғанда ажырасу көрсеткіштері белгілі бір деңгейде 10- 15%- ға азайды деп беруі мүмкін. Оған ішіңіз жылып, көңіліңіз тоқ болмасын. Себебі ажырасу мәселесінің сыртқы формасы емес, ішкі әлемі, отбасы ішіндегі, шаңырақ айналасындағы болған проблемалар басты назарда болуы тиіс.
Жігіт пен қыздың табысуы, бақытты сәттер, романтикалық кешкі ас, кездесу мен жақсы әңгімелердің бәрі үйленгеннен кейін бір-ақ күнде тозаққа айналып сала беретінін байқамаймыз. Асығыс шешім, көзсіз махаббат, алдау мен арбаудың құрбаны болған қос тараптың бармақ тістеп қалуы неден?
Кеше ғана үйіне шығарып салып жүрген жігіт өз қолымен әйелін көрге шығарып салатын күнге де жеттік. Тіпті дәл осы айтса ауыз бармайтын қорқынышты мәселеге қоғам ретінде «отбасындағы жанжал» деген баға бердік әрі солай жылы жаптық. Адам тағдыры, жетім қалған баланың көз жасы, етегі жасқа толған ата-ана, құрбыларының қазасын көріп, үрейленген құрбылардың отбасы өміріне деген теріс түсінігі, жалпы сезім атаулының белінен басып, жерге көмдік те, ұмытып кеттік.
Қолыңыздағы «Сана биігінде жолығу» кітабы «Отбасы болғанға дейінгі маңызды қадамдар» және «Отбасы болғаннан кейінгі алғашқы кезең» деп аталатын екі үлкен тараудан тұрады.
Алғашқы тарауда «Өзімнің адамымды таппай жүрмін?» деген сұраққа жауап алуға, одан кейінгі бойдақ өмір мен отбасы болуға дейінгі кезеңдегі алғашқы баспалдақтардың негізгі жолдары айтылса, екінші тарауда үй болғаннан кейінгі кездесетін кедергілер, түсініспеушіліктер, олардың шешімі ұсынылады.
Құрметті оқырман!
Отбасы – биік ұғым. Оған дейінгі жүрген жолда қалдырған іздің қандай болатыны өте маңызды. Себебі сол із ертең шаңыраққа бірге ере кіреді. Оның маңыздылығы ғана емес, өмірлік мән үшін
ХХІ ғасыр мейлі келесі басқа бір дәуір келсе де «Отбасы» деген ұғымның мәні жоғалмайды. Тек оның мәнін жасайтын біз бен сіз екенін ұмытпау керек. Ақын Мұхтар Шаханов айтқандайы: «Махаббат дегеніміз – екі парасатты, пайымды адамның сана биігінде жолығуы...».
Жақсы тыңдалым болсын🫰🏻
