Ақтөбе- жас кәсіпкерлер қаласы. Былтыр өңірде "Zһas Project" жобасы аясында 163 жас өз бизнестерін жандандырған. Кәсіптердің басым бөлігі әлеуметтік қызмет көрсету бағыттарында. Жастар жылы аясында бүгін ең үздік жобалардың көрмесі Ғазиза Жұбанова атындағы облыстық филармонияда өтті. Арасында жылыжайда өсірілген көкөніс, ағашты жонып дайындалған тұрмысқа қажетті құралдар, пісірілген тәтті тоқаштар бар. Көрме аймақтық "Арманда! Ұсын! Жүзеге асыр!" атты форуммен жалғасты. Форумның жұмысына әр аудандық жастар ресурстық орталығының басшылары, грант иелері, қоғамдық ұйымдар өкілдері, қала әкімі Ільяс Испанов пен облыс әкімінің орынбасары Марат Тоқжанов қатысты. Форумда жоба жетекшілеріне алғыс хаттар табысталды. Белсенді жастарға билікте жүрген аға-апалары жақсы кеңестер айтты. Олар ашылған бизнесті ары қарай жүргізуге қажырлы еңбек қажет екенін түсіндірді. "Zһas Project" жобасы еліміз бойынша 6 облыста ғана жүргізілді. Барлық өңірлерден 965 жоба қорғалды. Бұл былтыр республика бойынша жас кәсіпкерлердің қатары артқанын көрсетеді. Қазір жоба уақытша тоқтап тұр.
Сайт телеканала [ Ссылка ]
Twitter [ Ссылка ]
Вконтакте [ Ссылка ]
