Өткен демалыс күндері қаладағы жатақханалардың бірінің төртінші қабатынан 4 жасар бала құлап, аман қалды. Облыстық балалар клиникалық ауруханасының жансақтау бөлімінде бір күн түнеген бүлдіршін жарақат бөліміне ауыстырылған. 4 жасар ұл бала қаладағы жатақханалардың бірінің төртінші қабаттағы дәлізінің терезесінен жерге құлап түскен. Алғашқы күні жансақтау бөлімінде түнеп шыққан. Қазір жарақат бөліміне ауыстырылыпты. Жеңіл жарақат алғаны болмаса, дін аман. Облыстық балалар клиникалық ауруханасының жарақат бөлімі 40 орындық. Жылдан жылға балалар жарақаты көбейіп бара жатқандығына дәрігерлер алаңдаулы. Тәулігіне бас-миы шайқалды деген диагнозбен ауруханаға 4-5 бала түседі. Балалар мен жасөспірімдердің көлік апатынан зардап шегуі де жиілеп кеткен. 2012-ші жылы биіктіктен құлауға қатысты 13 дерек тіркелген. Ойын баласы кереуеттен, үстелден құлап та аяқ-қолын сындырып жатады. Күйік шалу, ит-мысықтан зардап шегу де балалар арасында көп. Жаз мезгілінде ата-аналардың бақылауды күшейткені абзал. Қате аяқ астынан.

свернуть